2015年1月31日 星期六

藍色雪糕溶入氣球店!




PND細細個就好羨慕賣氣球、賣Party用品嘅人,因為可以將歡樂嘅感覺帶俾其他人!估唔到,兩位經營氫氣球公司嘅九十後老闆仲喺銅鑼灣店增設埋雪糕專櫃,潮友可以開心買氣球之外,仲可以食埋雪糕添!





唔知潮友食過丹麥、Softree同BurgeRoom未呢?其實「波霸」就係位於加路連山道丹麥餅店右面嘅果個小商埸內,入到走廊中間就會見到「波霸」大名,大家想買氣球同雪糕就要俾啲心機搵吓喇^_^!





呢度嘅各款氣球由英、美國入口,無論慶祝定預備情人節都啱用!銅鑼灣小店有舒服搖籃椅,環境幾舒適,坐喺度食雪糕啱哂!



雪糕則由$27至$35不等,價錢喺競爭咁激烈嘅銅鑼灣嚟講真係夠哂親民!PND就覺得,世界上真係無最好味嘅雪糕,正如,世界上無最好嘅人一樣,只要你搵啱自己鍾意食嘅果杯雪糕,其實已經好幸運喇!咁呢杯又係唔係PND最鍾意果杯呢?






PND一嚟就食咗三種口味:【黑朱古力繽紛樂】($35) 、【北海道海鹽焦糖牛奶雪糕】($29)同【棉花糖北海道牛奶】($29) 。




Chocoholic PND就最鍾意【黑朱古力繽紛樂】($35) 朱古力牛奶雪糕幾大杯,你問我會唔會同Godiva比較?我嘅答案係:唔會。因為大公司的秘方同小店嘅人情味比真係唔太公平。
雪糕奶味同朱古力混和得好幾好!軟雪糕算係口感軟滑,不過就偏向易溶,加上一條繽紛樂朱古力,又凍又脆,口感好豐富!唔錯呀!


最大最型嘅【棉花糖北海道牛奶】($29) 牛奶雪糕,加上唔同顏色嘅棉花糖,黃色(香蕉) 同藍色(藍莓) 嘅棉花糖又香又靚又好味!揭開棉花糖下面就係北海道牛奶雪糕,唔過三十都算抵食吖!



上面嘅【北海道海鹽焦糖牛奶雪糕】($29)就最型最吸引鏡頭同眼球!




焦黑色嘅cone夠哂型格,加入粉藍色嘅雪糕,再淋上海鹽焦糖同鋪上焦糖脆粒,如果鍾意咸味嘅潮友一定like爆!(如果想食咸啲不妨同店員溫韾提示吓!^_^)

有熱誠嘅小店,PND期待你地嘅分店呀!


#PND銅鑼灣 #PND甜品 #PND情人節
Ball Ba Balloons 波霸氣球
(LOL ice cream shop)
電話:2386 3361 
Mon-Sun 14:00-21:00
@銅鑼灣禮頓道106-126號禮信大廈地下20-21號舖(希雲街&加路連山道中間)






沒有留言:

張貼留言