最幼滑！雪花牛奶冰之后！

韓國雪花冰強勢登陸尖沙咀海港城喇！

無錯，香港係越嚟越多小店可以食到Bing-su！不過其實PND同潮友都一樣，會驚驚地冬天食冰，尤其係刨冰，仲要係一粒粒冰粒果種！不過，呢間嘅冰真係真係雪花冰嚟！❄️

由海港城Uniqxx上扶手電材，就可以見到呢間outdoor半自助式小店，不過就要自己搵位，潮友記得最少二人同行喇！

MENU上有小食、甜品、飲品同麻薯波波可以揀，甜咸點都好齊，由$32-$78不等，設加一服務費。仲可以叫韓冰+麻薯波波set添！

PND 9點去到，好多冰冰都賣哂，好彩仲有呢個兩人份量藍莓芝士雪糕冰 $78+10%，似乎水果口味會吸引啲呢！

小店係用自家調配嘅甜甜牛奶製成好似椰絲咁幼細嘅滑冰冰，每一啖都充滿奶香，而且唔容易溶、就算食咗十五分鐘都只係有少少甜牛奶喺碗底！

仲有啲好甜嘅blueberry、cheesecake同一球雪糕（雪糕味道太人工化反而失色..）好味好味，唔使驚凍！鍾意食冰嘅一定要嚟潮聖！最不幸係芒果冰已經賣完了，很想要呀，PND下次再戰！

Mon-Sun 10:00-22:00(如果賣哂就會提早last order時間)

#PNDcafe #PND韓國菜 #PND甜品 #PND尖沙咀

@尖沙咀海港城港威中心4201k-4202k(大uniqlo樓上)