台灣四寶：魯肉飯、蚵仔煎、珍奶、滷味！

最掛住台灣嘅蚵仔煎、魯肉飯、珍奶同滷味！

PND嚟到呢間台灣味90%嘅小店，裝修幾型！連門外嘅燈箱都係喺台灣訂做空運過嚟架！

呢度開店前15分鐘，人龍已經超長，入到去坐低，小店有啲逼，可能要搭枱，限30分鐘交枱，不過有好味嘅台灣菜就唔緊要啦！

香菇肉羹飯$40 十足十台式嘅「碗仔翅」咁，酸酸甜甜，非常濃郁！

撈飯食得，當湯飲又得，香菇肉羹成配都好足料，杰度十足，仲加咗好多冬菇同肉，好正！ 

魯肉飯$27 一粒粒嘅五花肥肉，食落好有咬口，而滷水汁好入味，甜咸適中搞到PND想唔食飯都唔得！性價比非常高！

鹽酥雞$35，味道調得濃郁，雞肉入口仲有肉汁，雖然食到最尾可能會有少少肉渣，不過勝在幾脆口，而且炸漿都好好味，籃仲有十幾粒，2-3人分最適合！

珍珠奶茶$20唔會過甜，同台灣嘅珍奶一樣，亦無連鎖店飲落嘅生水味，非常有水準，而且真係兩人分量咁大杯，食完飯未飲完攞走邊行邊飲都得！

阿元來了

Mon-Sat,Public Holidays 12:00-19:00

(Sun CLOSED)

@西環西營盤第三街73號