2015年2月28日 星期六

轉角文具精品咖啡店!


星期日晏晝,潮友係咪一樣瞓到黃朝白晏然後唔知去邊好?如果你未有行程,一於好似PND咁嚟呢度歎返杯咖啡、食吓肉丸、買吓靚文具...話唔定有意外收穫架!



 呢間位於JCCAC斜對面,新開嘅咖啡小店,如果要用三個詞語形容佢,一定係:文具雜貨、咖啡小食同人生!



文具迷店主裝修到嗯度好有特色,銅罩烏絲燈、兩邊嘅大木書架同陳設滿櫃嘅文具,木式田園風完全吸引咗PND嚟呢度過一個下晝!



小店細細,店入面只有3個bar枱位,其他就主要係outdoor位(少於10個),要潮聖都要講運氣,「爭吓櫈仔」,咖啡師只有一個身位為潮友沖製咖啡,所以呢度暫時只提供熱狗、雞翼、雞肉丸、墨魚波同薯條呢類小食,由$25-$32差唔多!



試埋Green tea latte(regular)$32,綠茶味都幾突出,綠茶同牛奶嘅比例配合得幾好,飲完仲有陣陣茶香留喺味蕾,以仲係試業嘅水準嚟講算係幾好,文青必潮之聖!



唔想飲咖啡嘅潮友可以試無咖啡成份嘅紫薯sweet potato latte(regular)$32 !小木盤中嘅型格咖啡杯面有少少紫色拉花,紫薯香味幾濃郁,唔太甜, 奶泡打得幾綿密,又熱又好飲,食埋附送嘅homemade cookies,PND光速飲哂後想添多杯!




Chichken Cheese Ball $30 


想飲咖啡當然係要試cappucino$35(regular),咖啡醇厚無咩酸度,容易入口!



Toolss

Mon-Sun 12:00-20:00

@石硤尾偉智街38號福田大廈地舖(C出口直行,JCCAC斜對面)


沒有留言:

張貼留言