2015年2月11日 星期三

放學必食,溫暖爆餡雞蛋仔!


世界級嘅食物唔一定係貴野,用料靚、有誠意,一樣可以吸到PND嚟食!放學餓到傻咗,行到嚟呢度就發喇!雞仔舖面門無特別裝修,招牌雞蛋仔有幾種味可以揀



價錢全部$20內:原味、朱古力、芝士、紅豆、芋泥、芝麻,芝士、朱古力同紅豆最正,餡料多又惹味;芝麻味唔夠香。


老闆娘熟練地重覆倒入蛋漿、加入一粒粒勁大嘅朱古力再翻烘機,然後慢慢焗焙,所以一底雞蛋仔製作需時4-5個字,而且全店只有三個雞蛋仔爐,純粹靠烤乾,烤出一底又一底雞蛋仔,仲無用雞蛋仔風機添!



脆邊嚟喇!

朱古力雞蛋仔外層厚實夠脆口;紅豆雞蛋仔一咬開即刻爆餡,蓉唔係平價貨,綿身暗甜,仲有少少紅豆粒增強咬口!冬天芋頭最靚,最啱打成芋泥做雞蛋仔,唔甜但好香!蛋香唔夠強,但啲餡好香!唔怪得之,四五點放學放工買餸時咁多人排隊 !要等半個鐘左右



P.S.佢地仲良心益街坊添,每逢16號下午三點後都買一送一,星期一見!



鳴謝潮友報料:Yannes Chan
@觀塘協和街177號(PND食呢間)
@紅磡民泰街108號商場地下39號舖

沒有留言:

張貼留言