惹味脆口蛋牛治！

老字號嘅架子，呢間老店係無嘅！

就嚟食晚飯餓餓地，PND今日行咗過深水埗買電話卡，當然唔少得試試呢度嘅下午茶啦！

好耐無嚟嘅小店環逼逼地，一貫茶記風，兩款由68年到而家嘅拿手招牌：馳名豬手麵同蛋牛治當然係必試！

不過PND食飽lunch,豬手麵同西多就留返下次啦！

蛋牛治$17+$1要烘底，最普通嘅食物就最難次次都整得好味！呢度嘅出品就係以鮮牛肉切碎，然後拌入沙嗲醬撈好，最後加入蛋漿煎到金金黃黃，再夾上烘底去咗皮嘅方包，一份切兩份，店方夠貼心，同潮友share好輕鬆！

蛋煎得香嫩，碎牛又咸又甘香，好嫩滑，香脆多士夾住，真心仍然咁出色！

新香園(堅記)

24小時營業

@深水埗桂林街38號A地下