Pure cafe & patisserie - 分子元素入侵！朱古力星球4秒大爆炸！

元朗鳳悠南街真係幾多野食，而且呢帶人流無又新街同千色咁多人，食完正餐散步過嚟食甜品都唔錯！小店有多款甜品同輕食，就連all day breakfast同意粉都有！今晚PND去咗玩星球大戰，將個星球爆開！

首爾景福宮 - 朝聖！進補！暖胃人蔘雞湯！

冬天去首爾，天寒地凍，一片白濛濛，最啱就係食啲又養身又暖胃嘅野食！做完歷史學家行完景福宮，無理由唔兜過去食返煲土俗村人蔘雞呀？

性價比高！家庭式和之美食！

如果天氣咁凍，想食吓平平地又溫暖嘅日本料理，可以去邊好？

呢度中文名夠傳神，坐忘坐忘，雖然今日PND好攰，不過入咗嚟、坐低咗之後，好似真係唔記得咗自己有幾攰，因為啲日式料理真係好香！呢度標榜無味精、無添加、多菜少肉，好似feel good啲！

彈牙牛肉燒賣！

夜晚終極肚餓，走過紅磡大地，真係間間食店都咁多好野食！其實最幸福就係行行吓街俾呢啲地道小店嘅蒸氣蒸一蒸，嚟返轉高溫瑜珈再食返串牛肉燒賣同腸粉，醒哂，仲要平平地，又飽肚！

軟殼蟹都浸！皇牌南瓜咖哩溫泉！

聖誕節先嚟病，唔通連個天都唔鍾意我呀，搞到PND呢幾日喺屋企玩僕匿匿無得出街喺屋企做毒拎，今晚偷偷地出街食返個泰菜暖吓身先！ 拍耶係幾好味，新開喺附近嘅拍耶二軍裝修型格，仲多咗啲燒物、沙律，好啱一大班朋友食吓飯同交換禮物呀！

《鏟勻灣仔角落系列》辣辣魷魚邊個食？

《鏟勻灣仔角落系列》灣仔呢條街真係好臭臭，最出名嘅臭豆腐未行到舖頭，喺街尾已經聞到！但其實呢度最好味嘅係咖哩魷魚！

小店實現：海之夢！

放學同幾個frd傾吓偈、傾Project…但又餓餓地添，不如一邊食一邊做啦！行多少少路嚟到呢間Coffee shop，等PND幫潮食友充吓電先！

脆口！椒鹽炸燒賣！

變種小食越嚟越多，就算幾凍都好，PND都係周圍去架！ 潮食友推介， 馬鞍山 嘅新港城街市除咗有脆脆鴛鴦雞蛋仔，仲可以食埋佢對面鋪嘅椒鹽炸燒賣！

佐敦：荔園再現！

細細個，PND就成日聽Daddy媽咪去荔園玩同睇動物，不過果時97年3月31日就正式結業，得幾歲嘅PND真係無咩印象！ 帶住僅有嘅少少荔園回憶...PND梗係要去喺佐敦重生嘅呢間特色主題餐廳潮吓聖啦！同屋企人去就最好喇！

溫暖糖不甩 x 豆花芋圓！

嚟到花園街街尾，見到呢度咁多燈籠、十足十一間古色古香嘅茶莊咁，PND真係以為呢度食中菜架😳，原來呢度係中式甜品+台式fusion甜品！

10cm長！手掌咁大！原隻芒果糯米糍！

半隻手咁大嘅芒果糯米糍，PND今晚唔食一定瞓唔著呀…長洲三大芒果糯米糍巨頭：允升、愛群、芒果王…當中以佢，糯米糍外皮最薄，呈半see-through狀態嘅糯米皮僅僅只有0.4-5cm！

港島東飯焦皇后！

【十一黃金煲系列】

整煲仔飯好味嘅餐廳通常都係用炭爐，西環坤記、廟街四季/興記…都煲到出哂名啦！

《十一黃金煲系列》雞煲無極限！

《十一黃金煲系列》

之雞煲放題雞煲真係好有魅力，同好多對象都好有火花：花雕、重慶、麻辣…台式、芝味...不過就算隻雞幾咁有雞味，啲皮幾咁有雞皮味，多極都係得一隻雞，食哂就無，想要多半隻唔太抵，於是轉食火鍋料啦，吓，牛肉成$128碟可樂成$20罐！？唔使架！

隱世手搓芝士流心蛋漢堡！

《鏟勻灣仔角落系列》紅磡對成日蒲港島嘅PND嚟講有啲遠！食唔到時記食咩好...？ 小店細到得4-5個位，殘殘舊舊一眼望哂，唔通就係出到奇食嘅特微？呢個$17蚊嘅厚厚招牌「芝士蛋漢堡」一次過滿足哂我嘅慾望！

旺角屹立三十年，馳名雞粥配勁滑腸粉！

台灣人仲有夜市，可以食吓地道街邊小食，咁香港呢？街邊大牌檔嘅風貌同風味，喺而家租金咁貴嘅香港地已經苟然殘全... 好彩好彩，旺角街頭仲有呢類小巷食店！

有誠意的濃茄專門店！

呢個星期chur到非人生活...連食個Lunch嘅時間都無，所以PND一放即刻衝去附近搵食！

等一個人 咖啡。

如果唔係朋友突然想飲返杯等一個人，PND都唔會發現原來尖東港鐵站N1出口嘅呢間精品咖啡小店呀！啱哂食完有睡意藥嘅PND！

台灣愛文芒迷最愛！厚多士、挫冰層層疊！

厚多士幾時都咁好味，呢個仲係浸完雪糕浸完cream都仲脆嘅厚多士添！

M Station1 - 最Juicy！爆汁烤溶芝士巨茹！

吸引PND嚟嘅係廚房烤爐內升到頭頂咁高嘅熊熊火光同燒烤味！

大埔慶祝聖地，火燒原隻春雞不得不試！

大埔舊墟遊樂埸對面又多間唔錯嘅西餐廳喇！深啡色木系加上落地大玻璃同湖水藍色系主調，型格有style又坐得舒服，最啱幾個朋友近近地慶生、食飯傾吓偈！

mega杯，可愛隨意3D拉花Cappuccino

呢度都係3D拉花嘅cappuccino最好味，又嚟潮吓聖喇，都係咁大杯！

黑松露流心蛋熱狗配熱溶芝士！

芝士，為大地帶嚟美食，除咗薯仔，其實芝士同蛋都係非常門當戶對架！今晚PND食到可以過冬嘅大熱狗真係唔試唔得，尤其係呢啲涼涼地嘅天氣！

自家秘調fro-yo，拌脆磚多士/熱脆waffle！

星期日，22:30，東大街，冷，餓。 PND好想食甜品，不過成條東大街嘅甜品鋪都閂哂，見到有間froyo小店仲有好warm嘅燈同...招牌雪糕吐司方塊（朱古力/士多啤梨/芒果)，士多啤梨雪糕外面有層厚厚脆皮、淡奶忌廉、士多啤梨醬、士多啤梨同藍莓淋滿同疊滿脆脆多士磚！好吸引！

韓(式)飯主打，正宗韓味kimbap、拌飯、炸雞！

今晚唔想再諗食乜餸？懶人一族或者忙溫書嘅潮友一於買返屋企對住電視/啲書食都好呀！☺️港島嘅潮食友想食正宗Kimbap、炸雞，再外賣埋梨汁、燒酒，唔使過海嘅，搭$2.3x2電車去鰂魚涌就得喇！

啤酒小食拼盤Gossip聖地，情調式惹味之夜！

食飯果度逼PND食晚飯兩個鐘內交枱，噢，轉場去邊度好呢？最好有野飲啦！😝識飲野嘅一定嚟呢度邊飲邊食！

自家製雪糕配最脆口Churros！

去緊/住喺紅磡的人有福了，成日都有好野食葡萄死PND！話說，大家食完熱狗/漢堡/串燒，一定要行返幾條街餓餓地食甜品！

熱血小店，鬧市中又一綠洲！

十一月，最chur月，星期日應該對自己好啲、食餐好嘅，俾自己思緒休息吓［閉關mode己關開］，就等PND帶你嚟呢間12月頭先正式開業嘅Cafe歎吓啦！

優閑半露天咖啡小店！

《鏟勻灣仔角落系列》

無需打開天窗...估唔到呢條小巷中嘅悠閒cafe會有個天窗可以邊歎咖啡邊曬太陽，二百%寫意！

日本過江雙汁醬王！咖哩、濃茄迷必食！

凍凍地食熱飯先有feel, 呢間新開嘅日式醬汁飯專門店幾吸引咁！

和式裝修嘅小店唔大，只有幾二十個座位，加個開放式廚房。醬汁飯係咩嚟嚟？唔啱重口味嘅潮食友又啱唔啱？其實「醬汁」就係由餐廳主打嘅四款醬汁配主菜而成嘅日本飯！

大大盤！韓式炒辣雞！

新式韓燒、韓式炸雞、醬油蟹、甜品、J字筒、蜂蜜雪糕....韓國出名嘅野食全部都開哂嚟香港，唔使飛首爾就食到，係令人幾興奮嘅！但至今....仍然未見到有PND最鍾情嘅新村春川炒辣雞/新沙洞芝士年糕專門店！(如有發現，請報料)

九龍西部之漢堡超人！

放學餓餓地，今晚屋企唔煮飯要食自己，無論係毒拎一個咁開心定係同個死黨都好，都想食啲重口味嘅野添…經過呢間American style漢堡店，寫住有和牛漢堡，仲有鵝肝漢堡咁把炮，一於試吓佢堅定流先！

勁Juicy牛肉漢堡

咪以為呢條街淨係得郵局、生果檔、玻璃球檔同盆栽檔喎，其實仲有呢啲芝士狂迷最鍾意嘅邪惡食物架！ 

生日慶祝首選 - 朱古力香蕉！

最近仲係咁多潮食友問PND買咩蛋糕同人慶祝生日好..如果仲想食朱古力嘅就要最後睇埋呢個Chocolate banana cake 經典朱古力香蕉蛋糕啦！

大胃潮友VS意式巨人！

天氣轉涼凍凍地，開始儲肥自己?! 呢度其實都幾有特色，就係巨型份量，Pizza成板夠哂一家六口仲可以打包走，仲有溫馨提示：就係散叫嘅野食通常都好味啲！

Burger Circus - 登上懷舊美式漢堡列車！

沿中環SOHO扶手電梯一直上一直上，到M&S店、荷李活道，行落地面，就會見到呢間懷舊美式列車小店，六張卡位枱同出面嘅幾個bar位，食客全部都大啖大啖食緊Burger同buffalo wings！

新派泰菜，攻入尖沙咀！

大埔超級城嘅成功，呢間超級fusion西泰菜終於殺出市區喇！凍凍地濕濕地食吓酸酸辣辣嘅泰國菜真係最幸福的事！ 同第一店一樣，餐廳都係以原木色為主調，大大個開放式廚放、同埋靚靚嘅裝修，未點菜已經好有胃口！

最潮手工點心配鐵觀音Latte！

好多潮食友都同PND講：PND你呢啲韓仔性格，咁少食中菜嘅係咪唔會去飲茶架？PND:嗱其實唔係嘅！呢間型格小茶室，成間cafe咁，食點心，唔一定配茶架，花茶、咖啡甚至手工啤酒配點心都得架！呢度咁潮，咪吸引咗PND嚟囉！

Food Court 又一美食，韓芝烤雞！

PND呢排實在忙到抖唔到氣，好凍好想食Pizza！ 無理由食hut架...所以行上food court覓食！

灣仔腸粉皇，又滑又軟糯！

《鏟勻灣仔角落系列》腸粉好難話邊間全港最最最好味嘅，米香最濃、醬汁最正、腸粉夠滑....咁多元素，PND就幾鍾意呢間熱辣辣蒸起嘅腸粉，超水準之滑！

日本過江龍，燒肉達人！

又濕又凍最啱對住個火燒燒燒燒到成日暖哂！呢間嚟自東京嘅大阪燒肉，水準穩定、前菜同飲品幾正、氣氛仲好熱鬧，最啱慶祝聖誕節！

Dessert Gallery - 元朗到訪，甜之畫廊！

PND呢排成日走入元朗玩，經過呢間店面細細，磚牆木枱型格得嚟似CAFE嘅甜品店！甜品用足100%心機整，雪糕選用Movenpick，最正係呢度仲可以用 soda個app打卡儲分，隨時多球Free雪糕食添！打開餐牌，除咗三頁甜品好似甜品、奶凍、新地，仲有小食、咖啡、窩夫食架！

韓食雞雞 - 元朗食街，甜辣雞丁！

鳳攸南街實在好多野食，間間cafe都好多人，搞到PND 嚟到元朗都要食韓國野orz！小枱兩三張，坐喺大街食咗先講！（掃街潮食友take away都得）

特色美食，隨心自由定價！

如果，今晚呢餐飯，無價錢，由你跟據鍾唔鍾意呢道菜、自己財政狀況，你覺得值幾多就俾幾多，會唔會好刺激？

炮台山脆烘蛋香雞蛋仔！

PND又有一段時間無去炮台山嚕，估唔到一嚟就見到福元街街口放咗大大個易拉架喺度！唔係招莊，只係有間新開個半月嘅雞蛋仔喺度啫！

鐵鏟食品：韓式芝士豬排骨！

香港食店全部被「被選中的韓食」入侵，過瘦嘅潮食友要增肥食到100KG不是夢啦！

Cafe歎冰火香蕉鐵板！

同一時間，大家睇緊萬千師奶頒獎典禮嘅時候，PND選擇去Cafe食吓甜品！

希雲街多野食，大家知道架啦！除咗拉花咖啡、熱狗、木糠布甸…其實...仲有呢間幾好坐，裝修幾型格舒服嘅cafe架！

火炭區韓式小食，最滑炸雞！

凍凍地其實最啱食韓國野，火炭嘅潮食友你地有口福喇！

熱、辣、甜、惹味嘅⋯⋯炸雞、年糕、炮菜餅...呢間由韓國人夫婦檔開嘅韓式小食+外賣店，得兩工張細枱，以小食為主，野食唔係好多，一共有十幾款，除咗飯同麵，就有bimbap紫菜卷、炒年糕同炸雞粒，想食飽飽，$3x-5x就得喇！

阿(아)．鯛(붕)：Fro-yo鯛魚燒！

唔凍唔食=韓國精神😳！PND食肥啲儲定脂肪準備過聽晚平安夜先！呢間喺韓國引入，開到嚟香港嘅分店，原材料每個月都係韓國運過黎，韓國地道風味係咪真係重啲架？

Mr Simms Olde Sweet Shoppe - 英倫糖果聖地！

三文治唔一定食台中紅隧真嘅，呢份棉花糖三文治夠哂特別！

特別係，如果你想氹吓身邊壓力大、搞到心情唔好嘅潮友仔….識做嘅一定係去中環擺花街嘅呢間英國百年糖果店買糖送俾佢等佢甜到入心啦！

登打士街掃街必食！滷水宗師！

夜媽媽，食完煲仔飯食完甜品，PND想增肥喎...咁一定離唔開登打士街呢條食街啦！