2015年3月30日 星期一

Pure cafe & patisserie - 分子元素入侵!朱古力星球4秒大爆炸!


元朗鳳悠南街真係幾多野食,而且呢帶人流無又新街同千色咁多人,食完正餐散步過嚟食甜品都唔錯!小店有多款甜品同輕食,就連all day breakfast同意粉都有!今晚PND去咗玩星球大戰,將個星球爆開!



點兩個甜品就可以半價要一種飲品,一於飲埋水果茶!(原價$40/半價$20)水果茶甜度適中幾解渴!一榨的份量是2-3杯!


話說,呢間小店出品一向有水準,十張枱坐得舒舒服服,咸點甜點亦都好齊全!之前就試過呢度嘅《溶入心》,今次就嚟個食得又玩得嘅《爆炸星球》($58)!


食法好簡單,就係去做探險隊員進行爆!破!將佢地秘製嘅熱辣辣草莓白朱古力汁淋上星球上面,星球就會即時霹靂啪啪地四方八面咁「爆炸」(最好用紙巾好似食扒餐咁擋住),最後變成朱古力漿同雪糕一齊食,口感好多元化!仲好好玩!值得一食!


朱古力薄片星球入面放咗店方嚴選嘅New Zealand Natural草莓雪糕,PND好鐘意呢球雪糕仲有少少果肉好清新,而且酸酸甜甜夠軟滑!



星球隔離仲有好多紅桑莓乾、棉花糖、台灣乳酪爆珠同埋幾粒幾粒土地咁嘅honey toast同爆炸驚喜!





《焗酥皮原個蘋果伴雪糕》$58係小店即叫即焗,等咗差唔多15分鐘,終於有得食!


雖然同樣地係用豆腐雪糕伴碟,好開心同好surprise呢度嘅蘋果Pie係用酥皮包住原個蘋果咁焗,外層有淡淡牛油香,一切開,甜甜吉士醬流哂出嚟,唔錯唔錯,我個人超愛!




Random地叫咗竹炭窩夫伴彩虹雪糕$68,四大件waffle望落好大份,灰灰綠綠幾新奇,竹炭其實係有微微嘅焦味;兩球雪糕:一球係清清地嘅維記豆腐雪糕,另一球係好有童真嘅吹波糖味雪糕!


窩夫質地比較似鬆軟嘅雞蛋糕,唔係一貫食開嘅外脆內軟型,口感濕軟鬆厚,蛋味幾香!不過如果潮友驚藥水味嘅話,不妨試一試蘋果批!



《Deluxe Full Breakfast》 $108 (休閒時段:14:00-20:00套餐贈送一杯指定果汁)非常大份,普通女仔潮友可能會食唔哂要同潮友開心Share!蛋炒得非一般嘅嫩滑;炒磨菇同豬肉腸亦有質素!


Pure cafe & patisserie 

Mon-Sun 14:00-00:00 
電話:3488 6788 
@元朗鳳翔路五號偉發大廈十三號

沒有留言:

張貼留言