惹味經典手抓餅，沙律醬腿蛋肉鬆！

寒寒凍凍又濕濕地，呢啲天氣去唔到戶外玩，有啲掃興？PND一樣可以匿返喺室內玩同食！呢度嘅手抓餅好有台港fusion嘅感覺，材料好多，多到PND拎上手已經跌咗少少出嚟！

 最平嘅$12原味同埋基本手抓餅$20有蟹柳、蕃茄、生菜、沙律醬，仲有好多款食材可以揀

好似芝士、煎蛋、吞拿魚、蟹籽、蜜桃、鴨胸、漢堡扒... 記得多沙律醬！

B款手抓餅有5種食材，餅身幾厚，好似油鬆餅，加埋PND要嘅肉鬆、腿蛋，然後加醬，一翻、一捲，手抓餅就搞掂喇！

一啖入口，餅身非常香脆，拎上手熱辣辣，沙律醬、火腿、蛋撈埋一齊食好香口，加埋蕃茄生菜幾清新！ 簡簡單單就最好味

《慧食貓》

#PND葵芳 #PND小食 #PND外賣 #PND台灣菜

@葵涌廣場一樓，芝士烏冬隔離