即煎西多配樽仔奶茶！

PND行完年宵就出去行吓覓食，行到嚟上環呢區，其實真係幾多正野！

所謂奇食，其實大部分都係傳統港式食品，好似呢度嘅咖啡、奶茶、西多...都係香港珍貴嘅味道，逐滴蒸餾嘅咖啡、只沖兩次嘅紅茶茶葉、煎出嚟嘅香甜西多士.... 

樽仔奶茶$11+$2凍飲，每日天光煲好奶茶，然後入樽雪凍，唔需要加冰嘅冰鎮奶茶飲到最後一啖都仍然充滿茶香、奶滑，不過今次就甜咗少少，可能係PND飲完sweet到漏？

 整多份西多唔該！$17店員收到柯打就會兩片麵包醮滿蛋汁，煎到金黃色後再加上大量煉奶、牛油，再切開九件，上枱！西多勁熱、無油益味，食完都唔覺得飽！

多士煎香唔油膩，淋上煉奶真係好吸引！

瑞記咖啡奶茶

@上環市政大廈2樓17號舖