小店實現：海之夢！

放學同幾個frd傾吓偈、傾Project…但又餓餓地添，不如一邊食一邊做啦！行多少少路嚟到呢間Coffee shop，等PND幫潮食友充吓電先！

呢間小店牆上掛咗好多明信片同歌譜，廚房隔離嘅吧台放咗雜誌、CD，裝修係充滿夢想味道同自由嘅海洋風格！

PND嚟呢度歎個Lunch都係五十蚊就有一份好有heart嘅意粉/all day breakfast同一杯特別咖啡就滿足哂！

雖然呢度嘅食物選擇唔多，得幾款，有4款意粉/全日早餐/Omelette/三文治/沙律，但食得出係用心製作！

好似呢個All day breakfast $48，生菜同蕃茄都好新鮮，炒蛋好香，尚算滑身，特製肉腸有好濃郁香草味，仲有唔提唔得嘅早餐靈魂：外脆內軟嘅熱薯餅，仲用茄汁畫上唔同嘅表情，未食已經夠哂sweet！

午餐加多$5可以飲埋Cappuccino(散叫$32)添！咖啡同牛奶夠夾，奶泡幼滑，咖啡幾香，有回甘….仲有小店嘅特調咖啡，PND下次試先，咁樣傾project真係人生一大樂事！

海圖 Cafe Heato 

人均消費：$20-$50 

@屯門虹橋青柏徑6號鹿苑16號舖

(可以喺兆康站出，坐3個站喺新墟落車，往返景峰方向行5分鐘就到) 

鳴謝潮食友：@bu.cky