2015年3月26日 星期四

鐵鏟食品:韓式芝士豬排骨!



香港食店全部被「被選中的韓食」入侵,過瘦嘅潮食友要增肥食到100KG不是夢啦!




韓國菜主攻豬同雞,灣仔銅鑼灣交界呢間開咗幾個月嘅韓食店竟然先拔頭籌率先賣芝士烤排骨!? 喇喇喇,講到要食正宗芝士烤排骨,唔使問一定要試首爾弘大 #JamesCheeseBackRibs (제임스치즈등갈비) 啦!果度人氣高到唔係好見到龍尾,雖然明洞係有分店,但係如果潮食友想食埋爐邊蛋,就應該揀弘大總店喇!


呢間灣仔道嘅韓食店未算人氣好旺,坐得幾舒服,反而係走傳統韓式食店風格:無K-pop、無鐵筒櫈、無吊住嘅抽氣管,有嘅只係鐵板同韓燒嘅味道!4款前菜包括泡菜、鮮菇、芝士翠玉瓜同幼薯絲,不過只係添一次!泡菜好好味,如果可以係任添唔嬲就好喇!!


 11月10號新menu有三個主角:芝士豬排骨/芝士雞翅/芝士雞腿 ($268/1Set),一set一樣主菜,上枱份量望落唔係好多?食完你就知味道喇!出面芝士蛋卷閒閒地$90一份得少少芝士邊夠喉?


已剪開嘅8條微辣(唔夠韓國原版辣呀) 醬燒豬排骨其實已經燒到鬆化入味,隔離就係成1.5-2cm嘅厚芝士鋪滿大半個鐵板,芝士上放咗啲三色椒同醃青瓜,開火見到芝士慢慢由一條條溶到可以夾起一條條芝士絲,真係未食已經high咗!醬燒豬排骨係佢地自家調味,同果面有啲唔同,但幾惹味呀!

 店員見我地唔熟手,主動幫我地夾起排骨捲芝士,識食嘅一定係自己落手捲啦{包幾蛋層都係由你話事,霸氣}!總之,要捲芝士時,就要先開火溶一溶啲芝士,易捲好多!當然,三、四人同行,除咗叫小食,其實仲有可叫以個白飯,撈埋鍋上剩低嘅芝士、三色椒、芽菜、年糕嚟食添,原汁原味,正!


Korean Restaurant the SSAM
 #PND灣仔 #PND銅鑼灣 #PND韓國菜 
@灣仔灣仔道230號地下(前明將附近) 



沒有留言:

張貼留言