2015年3月20日 星期五

首爾馬場洞 - 燒韓牛盛宴

  

去韓國,唔喪食韓燒等幾時?普通既五花腩已經滿足唔到PND,要食就當然要熙貼韓流去食韓牛啦!


 

一講起韓牛,大家都一定會諗:韓牛咁貴,普通人點食得起?再唔係都一定諗起新村某間企喺到食嘅燒牛小排既餐廳。

其實,喺首爾,想食韓牛又未至於貴到嗌媽媽嘅,一定要食性價比最高既韓牛!而且,識食你一定係去馬場洞畜產物市場 (마장동먹자골목)!




果度每日批發同供應新鮮韓牛,市場隔離不斷飄出肉香小巷就有幾間專賣韓牛既餐廳!

PND今次就試左哩間好多人去既權婆婆「龍門家」(용문집)!

韓國食到既牛肉可以分三種:韓牛 (한우)、國產牛 (육우)同進口牛;韓牛當然係最高級別啦 (牛既種族﹑父系母系資料都可以查到)!龍門家呢度就連三雒牛肉都有提供,但係山長水遠黎到,當然係要試吓韓牛啦!

 

 


呢個韓牛拼盤索價80,000won/700g,夠3-4個潮食友分,每人都只係百零蚊,比喺香港食嘅性價比更高!拼盤有4-5種唔同部位牛肉,一開始可以先燒「薄切牛五花」,肉片有一半以上都係油脂,但入口唔太油膩,喺錫紙上面燒完,剩低牛油千祈唔好嘥,因為可以用嚟燒埋杏鮑菇!

店主將啲牛肉切到厚厚地一片,咬落去有口感之之餘唔會起渣,亦唔會太韌,牛肉夠甘香,油脂平均,好Juicy!食肉獸可以就咁淨食牛肉,品嚐佢獨有既牛香;想健康啲既亦可以用生菜加燒烤醬包住黎食,試試勁fresh勁正宗嘅韓國風味!
 

除左主角韓牛拼盤之外,附送既生牛肉拌梨同生牛肝都係亮點﹗生牛肉拌梨 (육회) 係用左無筋生牛肉片同牛肉條,加埋香甜爽口既梨肉﹑香濃麻油同少少芝麻粒,簡直係食到停唔到口呀﹗


 


勇於接受新挑戰既你可以試埋生牛肝,唔好以為食落去一定會好大陣腥羶味,絕對無﹗反而有少少似豬紅既味道,連口感都有啲似添﹗!


營業時間:11:00 – 02:00
地址:서울 성동구 마장동 (803 Majang-dong 30 Salgoji-gil)

 





沒有留言:

張貼留言