2015年3月1日 星期日

西環泳棚:浪濤日落聖地!



PND outing 系列之日落遊記

香港其實有好多好多地方都好啱大家持住部相機周圍影,而呢個睇日落嘅浪漫地方,唔一定係同男女朋友嚟,同哥哥姐姐爸爸媽媽嚟都得架!



咁西環泳棚點去?其實泳棚唔算難去,但對新界嘅潮友嚟講真係有啲複雜,PND就唔建議行上山,不如跟以下兩個方法去啦!


1.潮友可以搭5號城巴喺廢物轉運站落車


2.潮友可以喺中環碼頭乘搭54號van仔,經過堅尼地城附近提司機你要喺喺泳棚落車


然段認住上圖呢個「西環街坊福利會」白底紅字牌,見到白牌就代表你搵啱路,再行落百幾級樓梯就到喇!



西環泳棚其實係喺 60、70年代搭建,因為當時仲未有設備完善嘅公眾泳池,所以當時嘅福几會就喺海灘上搭建呢個永久性竹棚,方便游水人士更衣、貯物同沖身。



不過如果人少少就記得預備定腳架! 


呢度攞外景影相、拍片、定係表白求婚都幾適合,泳棚嘅木橋、偶然涉鏡嘅帆船、燈塔樹影、洶湧海浪同黃昏靚景都係幾正!




不過因為果個位真係唔係好多位,想影靚相嘅潮友記得set好機埋位影幾張唔係其他潮友就影唔到架喇!



想影超靚日落,記得睇定天文台先好出發呀!


1.潮友可以搭5號城巴喺廢物轉運站落車
2.潮友可以喺中環碼頭乘搭54號van仔,經過堅尼地城附近提司機你要喺喺泳棚落車☺️ 


#PND情人節#PND西環 #PNDouting
@西環鐘聲泳棚




沒有留言:

張貼留言