2015年3月20日 星期五

自由好玩!炭爐鐵網自己燒!







幾年前住喺沙田河畔嘅廣東人小廚,上過電視又上過雜誌,最出名嘅一定係佢地火熱動感自家燒烤炭爐!自上年開始重出江湖,不過由於未有酒牌,潮友可以喺對面7仔買夠先嘆「燒肉、啤酒」,尋晚嘅戰鬥碗就係喺呢度搵到架喇!







燒白鱔$38一串係PND& friends全晚數一數二最想encore嘅野,外脆內軟仲好多汁!


美國肥牛肉$128一碟,好味!










喺香港食串燒,通常都食廚房燒好嘅,潮友喺呢度絕對感受到無限自由度,自己鋸窿嘅木枱中間放咗大大個長型炭爐,瓦煲打邊爐同網燒單打雙打都係由PND自己決定!風味特別濃!













由於可以自己炭燒,唔識燒嘅話,醒目同專業嘅店員都會幫你燒,當然唔少得叫埋串燒和牛粒$28/串、燒活元貝$38/隻、原條燒茄子$38(蒜蓉牛油芝麻全齊)啦!


呢度燒美國石蠔$108/半打比廣島蠔更加鮮甜同肥美,一隻等如出面兩隻咁大!





日本紫心蕃薯$18一個好大個好香…… 覺得乾咗啲?順便叫返個蕃茄薯仔大眼雞鍋$138,非常足料,條魚長到木蓋都冚唔到,個湯底主要用嚟打邊爐,不過由於湯底煲足成晚,接近3個鐘,條魚幾近煮成蓉咁滯,PND好奇畢咗一羹嚟飲,嘩咗一聲,真係非常鮮甜!




Mon-Sun 07:00-01:00

@沙田崗背街全輝中心8號地下(沙田圍站)行過去,或者搭的士搭跳一次錶到,四五個潮友share就抵!



沒有留言:

張貼留言