2015年3月24日 星期二

街頭小食店 - 原粒朱古力鬆脆質感!


想食629,但實在太夜,新蒲崗收淨呢間街頭小食仲帶雞蛋仔可以食,PND口痕痕唔理3721即刻仆去買! 呢度嘅招牌雞蛋仔有幾種味可以揀,由$13-$17起:有招牌原味、朱古力粒粒、芝士、蜜糖星星、咖哩肉鬆....等等,餡料多又惹味!



老闆娘見到PND想影雞蛋仔,超級緊張地問「你頭先有無影到我地加邊隻朱古力呀?!」「我地唔俾影朱古力,其他咩都影得」細問之下,就知道佢地所用嘅朱古力係秘密牌子,所以話呢,好食係有原因嘅!


呢度朱古力雞蛋仔$16出奇地好味外脆內軟,仲要粒粒都有朱古力,食嘅時候都仲未溶哂好有口感,雞蛋仔好有蛋香,好鬆軟好易入口!



街頭小食店 

@新蒲崗康强街32-34號康强洋樓地下16A舖

沒有留言:

張貼留言