2015年3月26日 星期四

泰串 - 脆脆多汁惹味街頭燒烤!


仲有最重口味嘅街頭串燒!呢度有幾個座位,潮友可以企喺度食,又可以坐喺度食,幾有風味!最愛都係呢度串燒大部分都$7-$9,食完都唔會肉赤!



雞肉$8/1串肉質鬆化,大大粒多肉汁,香濃惹味主要嚟自醬汁同調味粉,由於老闆完全唔吝嗇,大方地不斷調味、搽醬,呢度嘅串燒真係好重口味,而且會咸咗少少,如果想食粉啲鈉,可以叫老闆輕手少少。因此,PND又叫埋可以承受重量級調味嘅燒大腸$8/1串!



大腸係有少少其貌不揚,不過見到店員放喺爐上面燒嘅大腸都清理得乾淨至雪白,而且望落非常肥美,每件都有5-6cm,又好厚身,烤咗10分鐘,直到金黃焦脆先食得!



燒好嘅脆皮豬大腸外層非常脆,加埋重口味醬料味粉,一脆一咸一甜,一入口就食到豐富嘅油香,裡面軟身彈牙啱啱好,勁快將成條串燒KO哂,正呀!


泰串 
@新蒲崗崇齡街53號地下

沒有留言:

張貼留言