2015年3月24日 星期二

手拉麵小廚 - 十級飽滿!爆汁小籠湯包!


有好多人問PND新蒲崗仲有無其他野食,等潮友可以一次過去哂,其實呢度好味嘅野,真係唔少架!



好似衍慶街咁,雖然平時人流唔算多,不過行到街中間,就會見到有個舖位門前總有十個人企喺度等位,攞籌、入座,呢度雖然細細,但好熱鬧,而且枱枱都食緊「湯包」...!?





一坐低少於十秒,店員即送來鎮江香醋配薑絲一碟以及餐具,效率奇高!


麻醬控再食埋雞絲粉皮$35。


粉皮上舖滿雞絲、青瓜絲;麻醬汁厚身濃郁,沉哂喺碟底,要撈幾下先可以將每一塊粉皮都上色上味。


條條粉皮皆昌瑩剔透,入口爽滑、彈牙, 掛汁力強;青瓜好爽口;配埋雞絲真係好香口呀~!  


呢度嘅招牌小籠包,$35/5個,上枱時見到五個湯包裡面嘅湯汁水位有由底部望上1cm咁高!上枱時蕩吓蕩吓,好吸引! 


呢個小籠包,驟眼睇,都有16摺以上!

督督佢,外皮唔會過薄,而係有韌性,夾起兩次都無穿窿漏湯嘅問題~。


成個小籠包熱辣辣,一啖入口,完全地爆汁!豬肉餡好鬆化,肉餡攞滿分!肉湯好鮮甜、濃郁,肉餡脂肪比例唔高,油膩感唔重!



手拉麵小廚 
Mon-Sun 11:00-22:30

@新蒲崗衍慶街48號衍慶大廈地下

沒有留言:

張貼留言