2015年3月24日 星期二

瘋排兩個鐘!正宗韓國醬油蟹王!


呢度開咗兩年幾,人氣都仲係咁旺,證明佢係有實力嘅! 俾潮食友 @jacnjac 刺激咗,PND又嚟呢間好難book嘅韓店潮聖喇!


 

招牌醬油蟹要最少兩日前打去預留辣或原味,仲要只係留蟹唔留位,所以呢度明明5點半晚市開始,但出面六點唔使已經有人龍,仲要十秒都唔使就滿座...係威嘅!去唔到韓國,喺香港食住先啦!


等咗九個字,一坐低,店員就送上前菜,四碟包括冬菇、泡菜、薯仔同醃白菜,食咗先講啦!泡菜鹹中帶辣,麻油薯仔惹味幾香口!





等咗無幾耐,生醬油海蟹$268/2隻連紫菜拌飯終於出場!蟹嘅刺身當然絕對唔係平時食開嘅絲絲白色蟹肉啦!


兩隻紫紫地色嘅大蟹喺獨家調配嘅醬油入面浸住溫泉上枱,然後店員就介紹點食....刺身呢家野,本身就係聞落無咩吸引,但一放入口...鮮味就一發不可收拾!蟹蓋上嘅蟹膏雖然唔算好多,但加入一羹秘製醬油入口,鮮到難以形容!(辣真係少辣嚟,連籽都唔太辣)




仲可以將蟹蓋入面嘅濃郁蟹膏伴醬油撈埋麻油紫菜飯一齊食,勁正! 蟹仔嘅其他部分都有唔少蟹膏,透明嘅蟹肉加上醬油無限個鮮甜!



醬缸

@佐敦庇利金街53號地下







沒有留言:

張貼留言