2015年3月26日 星期四

灣仔腸粉皇,又滑又軟糯!



《鏟勻灣仔角落系列》腸粉好難話邊間全港最最最好味嘅,米香最濃、醬汁最正、腸粉夠滑....咁多元素,PND就幾鍾意呢間熱辣辣蒸起嘅腸粉,超水準之滑!



講到呢度腸粉米香,可能未必咁剎食,但係呢度腸粉好滑漏,軟軟糯糯咁,食落口係煙煙韌韌唔係爽滑彈牙,所以比較容易掛上醬汁,食落更加滋味! 老


闆娘問PND喺度食定攞走,我眼見呢度無櫈,老闆娘就笑答:企喺度食囉,好有風味架!腸粉$10一大碟,加入黃金比例嘅甜醬、麻醬、豉油、辣醬、芝麻......無辦法,味道真係出奇嘅夾!甜醬夠香無過甜,特別係呢度香口濃郁嘅麻醬,PND盡地攤開哂每一條腸粉皮,增加表面積,咁就可以點更多醬汁食嚕!


識食tips:「只食腸粉」如果你係咁啱經過嚟呢度,淨係食腸粉就好喇!據潮友線報呢度其他小食都加咗價,但無貼出嚟,只係腸粉最抵,仍然係$10,PND淨推腸粉,有緣就試吓囉☺️


腸粉皇
@灣仔克街7-11號地下


沒有留言:

張貼留言