2015年3月24日 星期二

首試低溫無脂肪袋鼠肉,配自家製意粉、雪糕!


今晚想喺尖沙咀睇煙花,但周圍都超多人,又唔想行咁遠,☺️PND就幾鐘意美麗華、諾士弗台嘅餐廳,有情調,睇完煙花去飲野食shi sha都得,而且公假都門常開…



開年初二食「蠔」啲!推介嘅法國蠔有「水中花」之稱,原來係嚟自法國南部Brittany附近海域,先嚟有淡淡嘅海水味,然後再嚟就湧出濃濃蠔味,餘韻...夠強!




Cosmopolitan 非常易入口。


Classic的 Sour Whiskey ,黃金比例非常好飲,PND忍唔住encore咗了一杯!



自家製的薄薄脆身pizza,一份有6件;半份則有3-4件,4種芝士已經滲透喺Pizza裡面。不過或者因為PND對厚厚脆脆的批餅比較著迷,個人嚟講未算突出。


令人一試難忘的mushroom soup!




PND叫咗佢地嘅自家製pasta嚟食,海鮮紅花意大利寬麵配日本海膽忌廉汁$148大大碟,好多海鮮!食自家製嘅pasta最緊要襯熱食,呢度嘅闊麵有3cm闊,煙韌粗厚而且掛汁一流,醬汁以忌廉、海膽同龍蝦汁調成,好惹味,有誠意!☺️(仲有舊海膽可以一啖食)



Tasting Room Salad,雞脾菇、藜麥、火箭9菜、鮮橙等食材,入口配合微酸嘅油醋汁,非常開胃!







仲有一樣PND從來未食過嘅main,就係《55度慢煮袋鼠柳拼香煎鵝肝配蜜瓜砵酒汁》$208!

好似好多野味一樣,PND見到menu都面青咗,不過佢嚟到又似牛肉伴鵝肝,而且肉質經過55度封袋慢煮,已經無脂肪可言,怕肥嘅潮友可以一試!

會唔會好嚡口?唔會呀,袋鼠肉係嫩口架,入口幾香,而且大廚仲揀咗唔肥嘅鵝肝,將兩樣肉切成細細塊以醬果汁伴住食,有少少油香有少少肉香,真係幾夾幾易入口!


即叫即焗嘅一份四件waffle疊成一座塔,食落微脆,重點係蛋香同非常鬆軟。

餅與餅之間加咗好多自家打嘅cream,質感好似啱熟嘅雞蛋糕,軟軟綿綿;第二就係店家自製嘅果醬,果醬酸酸甜甜,有好多半粒嘅士多啤梨、酸身芒果粒、藍莓、桑莓、golden berry等,入口可以平衡甜度, 令整體質感更有層次,Yummy!



呢排佢地推介嘅是日特色自製單球雪糕係PND最鐘意嘅黑松露雪糕$38!

一啖入口有濃郁嘅黑松露香,同雪糕合體後係意想唔到嘅配合!暗甜嘅雪糕底,做得質感細滑,黑松露味好香,同食緊一塊塊黑松露無分別!


The Tasting Room

Mon-Thurs 12:00-01:00 
Fri-Sat 12:00-02:00 
Sun,Public Holidays 18:00-00:00
 電話:24730168 
@尖沙咀彌敦道132號美麗華商場2樓2015號舖

沒有留言:

張貼留言