台灣人仲有夜市，可以食吓地道街邊小食，咁香港呢？街邊大牌檔嘅風貌同風味，喺而家租金咁貴嘅香港地已經苟然殘全... 好彩好彩，旺角街頭仲有呢類小巷食店！
賣嘅係由1976年到而家嘅老牌雞粥同小炒小食店，正呀！呢度係宵深聖地，由每日晚上8點開到第二朝嘅6點，完全係為夜貓而生！賣緊嘅係唔試唔得嘅馳名雞粥同即拉滑腸粉，仲有名物炸兩！
仲有舊式大電視睇，真係好有人情味！
呢度嘅《馳名雞粥》$30，好味到不行鳥，粥底鮮甜中帶少少鹹香，而且好綿！金黃嘅雞件喺粥裡面浮浮沉沉，雞肉夠嫩夠滑！呢度嘅腸粉即叫即拉，所以等一等先有得食！
《炸兩》$15嘅腸粉皮真係薄到好sexy好似透視咁仲見到裡面啲餡，入口滑溜，裡面包住嘅油炸鬼好脆好好味！
輝記雞粥
人均消費：$10-$30
Mon-Sun 20:00-06:00
@旺角旺角道53號地下A（邦民隔離）
沒有留言:
張貼留言