2015年3月26日 星期四

特色美食,隨心自由定價!


如果,今晚呢餐飯,無價錢,由你跟據鍾唔鍾意呢道菜、自己財政狀況,你覺得值幾多就俾幾多,會唔會好刺激?



呢間街頭風味餐廳完全玩自由定價,每一樣人事物都咁有親切感!埋單可以思考呢一餐飯背後嘅價值,更加感受到香港逐漸埋沒嘅味道,回收返嚟嘅木枱、街頭執返嚟再用嘅二手傢私,都象徵住呢度第二次嘅生命!☺️


呢個舖位其實係由三間小店喺同時段經營架!「蘇波榮」、「素食合作社」同「活化廳」,PND咁啱就試咗逢星期二、三、六開店嘅素食合作社嘅拿手小菜!menu年年月月日日轉,夠哂有新鮮感:

 1.紅菜頭湯份量係一杯,蕃茄味香濃,超足料,加埋一條條粗切紅菜頭,飲過返尋味指數一百




2.香草素肉醬意粉、3.純素芋頭蘑菇意粉兩樣主菜都細細碟,PND同三個潮友叫咗各兩份share啱啱好,自家製醬汁惹味又獨特,條條意粉都掛滿哂汁,的確有水準!



4.九層塔栗子燴飯口感好特別,煙煙韌韌好入味,栗子夠香口!



5.焗包心菜卷雖然要等30分鐘,不過好值得,蕃茄醬酸酸地好開胃,包心菜卷雖然係素食但口感同味道都係肉味(!?),好過癮!
6.飲埋黑糖奶菜同橙蜜丁香,好滿足!

呢餐咁好味,無獎問答遊戲:估吓PND俾咗幾多錢支持佢地?P.S.唔想呢類香港有熱誠嘅小店撐唔到落去,大家一齊加油!

日日都開,詳情facebook見,而德昌里素食合作社就逢星期二、三、六開店 1600-0000!


蘇波榮 So Boring 
@油麻地德昌里7號舖

沒有留言:

張貼留言