2015年3月30日 星期一

《十一黃金煲系列》雞煲無極限!



《十一黃金煲系列》

之雞煲放題雞煲真係好有魅力,同好多對象都好有火花:花雕、重慶、麻辣…台式、芝味...不過就算隻雞幾咁有雞味,啲皮幾咁有雞皮味,多極都係得一隻雞,食哂就無,想要多半隻唔太抵,於是轉食火鍋料啦,吓,牛肉成$128碟可樂成$20罐!?唔使架!



呢度嘅任飲、任食嘅雞煲+火鍋一次過做哂,就最啱大食到極點嘅PND & 潮食友喇!四大爆點:第一,呢度雞煲有辣有唔辣;第二,雞煲可以任添雞;第三,90%火鍋料已包,任食唔嬲;最後:飲品任飲


如果將你喺其他雞煲嘅體驗同呢次比,認真你便輸了P.S.咁惹味,識食梗係叫個白飯整<雞煲risotto>啦!勁似偽韓式拌飯!不過真係幾好味!


講到主角雞煲,就有原味/大中小辣味揀,雞煲秘製醬汁鹹度適中,濃郁到一入餐廳就聞到陣香味,雞煲滾起後吸哂入雞肉,雞件肉質好滑嫩,有件雞背煲咗成兩個鐘都一樣咁滑!



最正係食完又添,添完又食....無限LOOP!


飲品就好似汽水呀韓國樂天飲品、菊花茶等都有,熱氣?無有怕啦!記得打去book定位就唔使等喇!



火鍋款式都算多元化,六十幾樣配料任食,一般大路嘅菜、肉類、海鮮都有供應好似凍蝦呀、象拔蚌片、芝心丸、牛栢葉、鯇魚片都有!


任食兩個鐘,最開心嘅係: 5:30pm-8pm, 8pm前埋單,$108/位,全包真係幾吸引!一定要呢個時段去,任加雞先抵! 
九點前,$148/位 
九點後,$128/位 
十一點後入座,$108/位 (~02:00) 
--------- 設每位+$8醬油費同加一 --------

富盈廚坊

#PND旺角 #PND火鍋 #PND放題 
@旺角奶路臣街38號2樓全層 
鳴謝PND新界區助手報料:P.chu





沒有留言:

張貼留言