性價比高，韓風小巷！

I’m just貧憎…其實好食嘅野唔一定貴，有時試吓街頭露天風味都唔錯架！

呢度一半係正常舖位，一半係搭咗帳蓬嘅型格小巷，牆身仲噴咗大大幅「Haru Haru」graffiti，電視當然係狂播k-pop MV啦，幾有Feel！Menu前後兩版都係炸雞、韓國小食同韓國主食，而且店員服務超好！

怕焗嘅潮友一於跟PND嚟試吓呢間十一月中先開業、得6-7張枱嘅韓式小店啦！

bibimbup$55任用秘調醬汁同蔬菜撈撈撈，食埋底少少飯焦，滿足哂！

最驚喜係呢度有得叫半份炸雞($69)，份量唔少架都有成十件，兩人份量啱啱好！

包括雞翼雞脾各一、7-8件雞背雞胸，甜辣香蔥酸辣醬油咩都齊！冰鮮雞嚟講都算有水準，雞肉幾嫩滑，雞皮同雞肉間只有有少少脂肪，油潤感仲鎖住喺炸雞入面！

甜辣唔多辣，但醬汁杰身濃味，審上芝麻，外層炸漿脆口夠薄！

HARU HARU 하루하루

人均消費：$40-$60 

@佐敦南京街6C百達大廈地下A2-A3號舖