摩頓台小食店：平凡中的驚喜！

兩年前嘅今晚，PND應該仲未開始食咁多野...（汗）夜晚宵夜，餓起上嚟，食返個營多撈麵是常識吧！

兩年前，還記得當天....睇報紙見到某美國網站喺「全球好食杯麵排行榜」嘅「即食麵達人」經過無數次即食麵試食後做個評分，結果...贏到世界第一美譽嘅竟然係又平又易買嘅印尼營多撈麵！

 「我煮個麵你食啦」PND經過摩頓台呢間小食店，見到一個撈麵$7，加$5有5條芝士脆皮腸，okay啦平平地，食咗先講！話口未完，老闆娘就純熟咁將一個煮完嘅營多加入味粉同醬油係咁撈，然後喺麵上加5條腸仔，玻璃枱上嘅蜜糖、醬料任用，豐儉由人。

沙茶醬，撈魚蛋，幾乎人人必食之選。

一啖入口，麵條嘅質感出奇地好，爽爽彈彈無發漲無過淋，調味適中甜甜辣辣，無食到一粒粒味粉無過油，加埋粒粒炸蒜，香味湧出撲鼻；腸仔夠脆多汁，輕輕鬆鬆鄧梓窿，$12值得俾嘅！



煥林粉麵小食

Mon-Sun 06:00-23:00
#PND小食 #PND港式 #PND銅鑼灣

@銅鑼灣摩頓台33號地下