化作一張白紙，走進手作夢工場！

深水埗呢區充滿千奇百樣嘅地方，PND行過福華街，就見到一幢唐樓嘅門口掛住「福華街85號」嘅木牌，行上兩層，再見到「白紙工作室」嘅牌，禁鐘開門而入，裡面竟然係一個咗舒服嘅地方！

見牌就知道你搵啱喇！

幾個原木架上陳設咗各式各樣嘅手作人嘅心血，有押花、有彩蠟、有燈泡植物球，有嚟自台灣同新加坡號手作牌子...所以，呢度就係一個完完全全嘅工作坊同手作小店。

正確啲嚟講，佢地主要以手作工作室為主，其他野為副。 :)

PND大愛，來自長洲的「島中坊研」，喺「白紙」都有屬於先己嘅空間喔。

潮友想歎歎、享受生活嘅話，呢度嘅原木bar枱、草綠地毯、梳化...都係俾潮友休憩嘅好地方！仲有幾隻貓仔坐陣，佢地好得意，仲好識擺pose

不過如果潮友口渴想飲野，可以試試PND叫過嘅呢杯好好味嘅蘋果玉桂茶，裡面有原條肉桂，仲有好多片蘋果，飲完成個人都精神哂！

仲有好多「大咕嚕」可食，肚餓都唔緊要！不過因為佢地始終以手作工作室為主線，而且人少少，所以潮友最緊要有耐性！可以邊做文青影相，邊同貓仔們自拍同邊等自己嘅order呀！

白紙工作室 

be tabula rasa studio

電話：90109515 / 66097735

Mon,Tues,Thurs-Sun 14:00-21:00

(WED CLOSED)

@九龍深水埗福華街85號2樓