2015年3月30日 星期一

港島東飯焦皇后!



【十一黃金煲系列】

整煲仔飯好味嘅餐廳通常都係用炭爐,西環坤記、廟街四季/興記…都煲到出哂名啦!



港島東梗係食佢啦!


$55一煲自選兩餸煲仔飯,包一碗老火例湯,等十五分鐘先有得食係因為係即叫即煲!一開蓋,伙記幫我地倒入佢地店方秘製嘅杰身甜豉油,識食嘅一定係閂蓋焗佢一焗(大約5分鐘), 之後食先會起到成底飯焦出嚟!

淨排骨煲仔飯中間食起,另一煲就焗佢10分鐘!飯上排骨就肉多骨少,彈牙有咬口,肉味幾濃!


另一煲鹹蛋肉餅,鹹蛋幾飽滿,鹹香適中,加埋醃得好入味嘅肉餅,真係正爆!




食完飯,戲肉嚟喇!食完用鐵羹將飯焦一反,成片完美「起底」(記得要焗吓個飯先有)! 又脆又熱又有微微焦味,加啲甜豉油,惹味之選!



紹華小廚


電話:8199 8188
星期一至日:06:30-22:00 
@筲箕灣愛秩序灣愛東邨熟食中心CF3店


沒有留言:

張貼留言