自家製雪糕配最脆口Churros！

去緊/住喺紅磡的人有福了，成日都有好野食葡萄死PND！話說，大家食完熱狗/漢堡/串燒，一定要行返幾條街餓餓地食甜品！

嘩咁香肉桂香味嘅⋯⋯呢度賣咩架？原來係鬼佬油炸鬼、嚟自西班牙嘅Churros，仲有綠茶紅豆雪糕，同埋今日新出嘅眼仔碌碌嘅綿綿冰！PND當正餐咁開動喇！

基本味道原條吉拿棒Churros加牛奶軟雪糕一杯$38/半條$32，真心大杯又大條，唔係輕易KO得哂，Churro即叫即吱即炸即食！同坊間普遍食到嘅口感唔同！小店嘅churros外面審滿玉桂粉(如果你歧視佢可以走玉桂)同玉桂糖粒非常香脆，裡面層次分明軟而煙韌，被融咗嘅牛奶雪糕浸完都仲係脆呀！

新出嘅Churros拌綠茶雪糕配紅豆蓉$42，食落似Green tea latte嘅感覺，churros外層嘅玉桂粉就換成黃豆粉，拌甜絲絲紅豆蓉食更清新！

眼仔綿綿冰好精靈，仲可以解渴添！$42兩人份量嘅綿綿冰食咗10分鐘都仲未溶成水，可以拌脆米、軟糖、醬汁食，我梗係揀芒果味啦，眼仔糖片自家製架望落好cute，仲有七色冰七種膚色任揀，有創意！

Eyescream and Churros

Mon-Sun 12:00-22:00 

五、六可能夜收少少

@紅磡德民街29號德民大廈地下B1舖