2015年3月23日 星期一

首爾弘大 - 新興必食Fusion炸雞

 
韓國人真係好鍾意食炸雞,你見佢地有幾多連鎖炸雞店就知﹗今次PND就同大家去試下哩間當地年輕人最愛既Fusion炸雞店﹗
 


 
 
 
 
 
話明係Fusion,就梗係唔會淨係得普通炸雞咁簡單啦﹗睇睇menu﹗哇﹗樣樣都好似好吸引咁,點算﹗經過PND一番明查暗訪,最後發現原來最多人推薦既係West Snow Chicken (둥지스노우치킨) Sweet Chicken Pizza (스위트 스푼 치킨피자)﹗好可惜,當晚因為PND已經食得太多餐,再加上同行友人對忌廉同芝士無咩興趣,最後無食到﹗好後悔﹗(下次PND一定會同大家再推介過﹗)
 


雖然無食到鋪頭既招牌菜,但PND都有叫到佢地既長年熱賣款 無骨香脆炸雞 (케이준 순살후라이드) 同炸雞沙律 (케이준치킨 샐러드) ﹗無骨香脆炸雞 (케이준 순살후라이드) 最啱懶人食,啖啖都是肉,又唔洗lur骨,正﹗雞肉雖然經過高溫油炸,但肉汁仲鎖晒喺到,咬落去仲好Juicy,唔會鞋恰恰﹗再配埋佢個自家製微辣蜜糖芥末醬,簡直係一流﹗



 
店家仲會提供一副咁樣既餐具,個樣係咪好奇特呢﹗其實係俾你用黎夾住件炸雞食之餘又唔洗整到對手油淋淋﹗好貼心呀﹗點解香港無啲咁既野﹗
 
 

 
想食炸雞但又怕熱氣怕肥既潮食友們,哩到既炸雞沙律 ( (케이준치킨 샐러드) 幫到你﹗沙律分量驚人,有碎芝士條﹑紅椒﹑青椒﹑生菜﹑橄欖﹑火箭菜﹑栗米仲有好多好多好多舊細細件既炸雞,足足係3人分量﹗沙律面頭既醬汁係蜜糖芥末醬,以為成碟都係哩個醬一定好漏?你錯了﹗食到最底俾個驚喜你﹗係黑醋呀﹗正當你食到飽飽地既時候,發現碟底竟然係黑醋,雙眼即刻閃閃發光,將炸雞﹑雜菜同埋醋撈埋一齊食,唔單至中和左油膩感,仲勁Fresh勁醒神,愈食愈開胃﹗好想再叫多碟炸雞食呀﹗
 

 
講左咁耐,係咪好想食呢﹗但係又覺得次次要去返弘大好麻煩?唔緊要﹗Chir Chir 치르치르 其實係連鎖店黎,喺好多旅遊區都有分店,好似新村﹑明洞﹑建大﹑江南區﹑惠化等,你講得出既都有﹗潮食友可以跟返自己個行程去食﹗
 
 

地址:서울시 마포구 서교동403-1 2층

電話:02-332-3187

 

 


 

 

 

 

 

 

沒有留言:

張貼留言