2015年3月28日 星期六

大大盤!韓式炒辣雞!


新式韓燒、韓式炸雞、醬油蟹、甜品、J字筒、蜂蜜雪糕....韓國出名嘅野食全部都開哂嚟香港,唔使飛首爾就食到,係令人幾興奮嘅!但至今....仍然未見到有PND最鍾情嘅新村春川炒辣雞/新沙洞芝士年糕專門店!(如有發現,請報料)





所謂正宗嘅春川家辣炒雞扒係喺首爾新村,潮食友要先戴上小紅(圍)裙以防隻雞彈上身上,然後店員會將已經切成塊嘅無骨雞肉、椰菜、洋蔥、薯仔、腸仔、芽菜、年糕...加入一大個電爐鍋,然後加入自家秘調韓式辣椒醬,再混合所有食材齊熱炒!套餐仲可以揀意粉加入去炒完食咗先!最後加入大量芝士大火炒完就可以食喇!(白飯(+紫菜)會放喺最後食)......味道只此一家! P.S.咁又唔代表其他炒辣雞唔好食嘅!


再一次,呢間尖沙咀嘅辣炒雞扒係幾好味!雖然唔係首爾新村果種味道,但仍然好惹味!辣炒雞扒套餐$380 (絕對唔止二人份量...)包括兩款泡菜任添、粥/湯、沙律、3-4人份量辣炒雞扒一大盤、仲有兩碗魚子紫菜石鍋拌飯(bibimbap正)!呢度辣炒雞扒用咗無骨雞肉、椰菜、洋蔥、紅蘿蔔、薯仔、年糕,醬料方面揀小辣好喇!




P.S.2 PND發現喺辣炒雞扒自行加入呢度嘅Bibimbap專用醬就會超好味!記得加!

餐廳仲算新開,唔算好多人,坐得好舒服!同三個朋友嚟食每人零百蚊真係唔錯!

H8韓松

@尖沙咀厚福街8號H8 1樓


沒有留言:

張貼留言