2015年4月21日 星期二

馬丁王越式法包 - 16"長!正宗越法式三文治!


喺九龍區嘅潮友,諗好今日tinner(註:tea+dinner) 食咩未?惹味嘅脆包啱唔啱?!!!! 




呢度嘅老闆兼大廚馬汀女士(Martine)係越南華僑!自68年舉家移居香港,40年嚟都好掛住越南嘅美食,特別鐘意食法包嘅佢於是一手開咗呢間小店,同全香港人分享佢嘅招牌家鄉菜!

老闆親身去越南訂購食材,香露、豬肉絲、豬肉條、春卷、扎肉…等全部都係越南進口…連魚露都係佢自家調製,法包即叫即焗仲可以外賣後取添(26583800)!


原味法包好脆,肝醬係每日即打的確夠甘香惹味;扎肉好彈牙,咸而甘香;仲有一望就知係靚料嘅腩肉同燻蹄,濃郁有咬口!


加埋蕃茄青瓜酸蘿蔔絲等…由於係原地直送嘅材料,越南味真係十級濃,連越南駐港大使食過都話正,PND…唔食真係對唔住自己!(╯3╰) 法包分為原條$69/4-6人分(16吋=PND雙手打開懷抱咁長)、半條$36/2-3人分,同迷你裝$19,口味同肉類都有幾種!
+$14就有飲品,豐富! 



仲有PND最愛嘅越南撈檬粉、泰越蝦片 、越式春卷、越南咖啡同冰凍特飲等,好似左上杯生死戀(咸青檸梳打)又咸又酸好清新!

仲有三文治同越式早餐,極多元化!







馬丁王越式法包 

人均消費:$19-70 

@佐敦德興街1 號 B4 地舖 (恆豐酒店入口對面)

 #PND佐敦 #PND小食 #PND越南菜 #PND外賣


沒有留言:

張貼留言