卷一卷 - 足秤卷物小店！期間限定$20兩件即食三文魚手卷！

過荃灣買魚，經過鱟地坊嘅士林食街，行錯咗入橫巷，咁啱見到呢間壽司刺身店，抬頭一望，見到唔係大型連鎖店，即時醒一醒，突然口痕！...

呢間小店有一兩個立食位置，有賣各款丼、手卷、壽司、剌身、小食，明明要去買魚糧，都係睇吓有咩食先！

火炙壽司或飯類都係潮友推介嘅必食之最！

帆立貝手卷，$20元，即時捲製，望落面頭兩件帆立貝都係飽滿嘅，入口凍身，鮮甜爽口。

而珍珠米飯就係暖身嘅，所以如果影得太耐未入口，外面嘅紫菜就會無咁脆，所以潮友都係即製即攞即食啦！帆立貝、米飯、紫菜混合咗豉油同Wasabi，唔錯！

咦，食食吓去到底，PND發現手握位近底部仲有一粒帆立貝，即係3粒，搞到我食完都仲係咁興奮，一於試多樣野啦！

期間限定嘅《即食三文魚手卷》$20/2個，聽落好抵，唔知又會唔會只有三文魚呢？店員解釋需要即食係因為手卷即捲即食，紫菜先唔會變淋，外帶的話紫菜淋哂就唔好味了~！

兩件三文魚手卷，PND要了豉油同wasabi！攞上手同啱啱個帆立貝手卷一樣咁大，三文魚切成一塊塊，長而厚！

三文魚都幾肥美，今次，為咗滿足我嘅好奇心，我決定打開個手卷探個究竟，發現塊三文魚係落到底咁足料架！Tea time同潮友仔share一人一個，除返開都係每人$10，都幾抵食呀！

卷一卷 

星期一、三至日 13:00-22:00（有時會早開） 

電話：26121255

@荃灣鱟地坊80-84號華成樓B座地下B3鋪

（往荃新天地嘅天橋中間搭𨋢落去行入巷仔就係）