2015年4月13日 星期一

首爾明洞 - 冬日限定皇牌窩夫

 
嚟到泡菜國,除左一眾芝士名物同燒肉之外,點可以唔食番份暖笠笠嘅waffle呢?今次PND就帶你去Beans Bins食呢份超正嘅冬天皇牌甜品!


 

 
呢間Beans Bins韓國周圍都有分店,適逢聖誕節,鋪頭裡面掛晒聖誕裝飾,仲有大大棵聖誕樹,勁有氣氛﹗今次PND就拜訪咗明洞嗰間﹗夜媽媽去到無乜人,地方寬落,配埋黃燈,最適合大家行街行到攰一攰,坐低食個甜品同朋友談談心﹗

 
識食嘅朋友仔一定知道,冬天出產嘅士多啤梨係最靚最甜﹗今次呢款士多啤梨奶油窩夫就係冬日限定嘅甜品﹗得11月-2月先有得食架咋﹗鍾意食脆卜卜窩夫嘅你可能會有啲失望,因為呢到嘅窩夫底係走鬆軟路線,有啲似蛋糕口感,熱辣辣軟綿綿﹗成份窩夫都鋪滿哂鮮甜多汁嘅士多啤梨,仲灑滿哂icing sugar,好有聖誕氣氛,正﹗一份大約港幣一百蚊,可以2-3人分,夠晒抵食啦﹗
 
 
除左限定嘅士多啤梨奶油窩夫之外,潮友仲可以選擇另外兩個熱賣款 – 兩球雪糕窩夫同什果奶油窩夫﹗味道都唔錯嫁﹗
 
 
 
 
地址:首爾特别市中區忠武路1街 23-1
 
 
 

 

 

沒有留言:

張貼留言