2015年4月14日 星期二

著校服去潮聖!回到在台灣的那些時光!


「鈴鈴鈴······yes!落堂!去食飯喇!」 那些年,你錯過咗嘅漫畫、實驗堂、用塗改液寫俾喺隔離班上緊堂嘅A君嘅塗鴉、舊式撥號大電話、舊電視、舊式漆油鐵窗...喺呢個回到過去嘅嘅台式校舍,潮友全部都可以搵到!






Cafe喺上星期一開始試業,店內嘅書櫃、窗台全部放滿哂漫畫,潮友可以嚟影相、睇漫畫、飲野...,上返堂「那些年,我們的台灣校園時光」!


餐廳點餐同取餐全自助,試業期間只做午市同下午時段。


以台式飯麵、台式特調(滷蛋、滷豬耳等)、炸物、台式吐司、咖啡為主打;台式飯麵就有魯肉、紅燒牛肉、鹽酥雞、炸排骨等等嘅地道菜揀! 


原來cafe嘅正宗台味,除咗嚟自台灣空運過嚟嘅傢具、擺設,連食材、調味料都係由台灣搭飛機運過嚟! 


午市便當、飯麵由$45-$55不等,連飲品(凍飲+$2),可以原價減$10要特飲,PND叫咗個《台式紅燒牛肉麵》$45!


好有舊式台灣校舍感覺嘅「小時光」,放滿好多珍藏同絕版figures!潮友記得眼看手勿動呀 haha :)




一啖牛肉湯入口,嘩,係有誠意嘅味道!

 湯底濃郁,食材選用上等牛腩,以傳統台灣魯包,配以十幾種香料好似八角、醬油等燉煮,牛腩、牛肉淋身入味;麵條稍淋身,試業嚟講質素已經好好!




黑糖奶茶,配上一杯滿滿嘅黑糖Q,彈牙又清甜,奶茶想要七分定三分甜?通通自己話事!



特飲《蘋果紅茶》$28(跟餐$18)以Beaker盛載,好似入咗中學實驗室咁;味道清新天然,甜度適中好解渴! 





木枱木櫈,令呢度更有重返校園嘅感覺!多人嘅時侯,潮友可能要背貼背坐得辛苦少少~



仲有《抹茶拿鐵》$30(跟餐$20),綠茶味道幾香濃,甜甜地,好有奶香,可以encore!


很久沒見嘅鐵人廿八。你好哦~!



小時光的漫畫數量有數以千本,想要睇哂都可能要返三五七個星期呢!


以實驗室為主題之一,的確吸引!潮友可以同朋友齊齊著住校服去潮聖呀!









「小時光」分為3個唔同嘅用餐區,各有特色,而且充滿台味!



舊式大電話!即刻集郵!



小時光 SCOOOL 

營業時間:星期一至六 12:00-18:00(試業期間) 

電話:31882380(暫時不設訂位) 


@觀塘興業街16-18號美興工業大廈第一期A&B座1樓C1室 

點去:
觀塘地鐵站B1出口,行兩個街口到達興業街,見到麥當勞就轉左行到街中間,美興工業大廈嘅停車場會喺你嘅右手面,直入,左手面會有條樓梯街,上一層就到。

沒有留言:

張貼留言