2015年4月14日 星期二

紅磡雞蛋仔 - 勁甜芒果!足料手抓班戟!


夜晚食完飯凍凍地,又想食少少甜甜地嘅野添,由尖沙咀行到過嚟紅磡,個晚飯都差唔多消化哂!嘩,前面咁多潮友排緊隊,唔知等咩呢?





噢,原來係等緊伯伯熱辣辣出爐嘅地道港式人情味!雖然生意難做,雞蛋仔就當然要食啦!





招牌班戟比起啱啱推出嘅時候加咗$1-$2,但都無損大家想食「少少甜品」嘅慾望!沙律雜果香蕉 / 香芒雜果班戟一份都係 $10,味道唔錯!


伯伯純熟咁喺鐵板倒上班戟粉漿,等待傳嚟陣陣蛋香同漸漸冒泡至熟透,班戟皮幾厚身,入口有陣陣牛油香,質地夠鬆軟!雜果落得幾多,香蕉仲有幾件添!



芒果皇PND就最鐘意《沙律淨芒果班戟》$14,唔是講笑粒粒芒果都好甜,而且好大粒,加咗薄薄嘅沙律醬食落幾香,係幾滿足嘅! 





紅磡雞蛋仔 



@紅磡大沽街寶利閣2號舖

沒有留言:

張貼留言