2015年4月29日 星期三

首爾惠化 - 草莓奶油丹麥山


士多啤梨控嘅你冬天去到韓國一定好興奮,因為周圍都會推出好多期間限定嘅甜品﹗上回講完奶油草莓窩夫覺得唔夠喉?今次就再同你去另一間大型連鎖咖啡店試下佢嘅新產品Strawberry Pastry




Pastry即係酥皮/撻類甜品,例如丹麥包﹑牛角酥﹑蝴蝶酥﹑泡芙等等﹗而今次介紹呢個甜品就係丹麥包﹗咁有咩咁特別呀?此丹麥包不同彼丹麥包﹗通常我地食到嘅都係一片片好似厚多士咁,但今次除左佢嘅形狀係成座山之外,質感仲可以做到好似一粒粒咁,用輕輕一撩就可以拮到一細舊出黎,唔洗切到周圍都係碎,啱晒講儀態又怕污糟嘅你﹗



丹麥山外層酥脆,內層鬆軟,好似千層酥﹗當造士多啤梨又甜又多汁,配埋酸酸甜甜既特製士多啤梨醬同一大堆cream,好邪惡好幸福好有飽足感﹗雖然話丹麥包既熱量係比普通多士多10倍,不過咁難得去旅行,又咁難得咁好味…… 食左先再慢慢減啦﹗(去弘大行多個圈都消化哂啦)



P.S. 韓國嘅咖啡店真係好舒服,絕對唔會有人趕你走﹗就算淨係叫一杯野飲或者食一件餅,你都可以坐足成日﹗如果潮友們想喺去旅行時順道扮下文青嘅話,不妨去啲無咁多人去嘅分店 (PND今次去左惠化店) 坐喺窗邊,嘆杯咖啡睇本書,悠悠閒閒過一日,享受人生﹗




Beans Bins





沒有留言:

張貼留言