《加餸系列》糯米飯配多醬煎腸粉

PND以前細細個喺灣仔補完習，就會喺呢間小店買盒臘味糯米飯+煎腸粉！記得呢度車仔檔臘味飯幾足料，軟綿綿同好香臘味香，加埋煎到脆口嘅蝦米腸同平平地嘅腐竹薏米糖水，啱啱好幾滿足！

招牌「雜錦臘味糯米飯」$30 喺車仔檔熱住冒煙嘅糯米飯，望落好似少過三年前食果時，不過好彩仍然好味！飯粒乾身有嚼勁，每粒飯都吸收哂老抽，臘腸、膶腸、冬菇都好多！ 

同樣都係招牌嘅「香煎蝦米腸粉」$15 ，PND揀咗即場開餐！

一上枱就覺得麻醬味飄香濃郁，甜醬辣醬芝麻自己任加，腸粉好彩仍然外皮脆口，滑嫩嘅腸粉有粒粒嘅蝦米粒同蔥，混醬食！係一貫嘅好味！

強記美食 

Mon-Sun 12:00-01:00

@灣仔駱克道382號莊士企業大廈地下