2015年4月9日 星期四

轉角遇到抵食泰菜串燒


博文街成條街都咁多好野食,間間都咁多人等位,見到呢間匯豐斜對面轉角呢間泰國菜mix茶餐廳,記得曾經有潮友推薦過呢度嘅海南雞福字麵餐,入到小店,格局闊落坐得舒服,有少少似茶記,唔使次次去九龍城食轉吓新環境都好





得獎海南雞》例牌$50/原隻$158,小店嘅海南雞肉凍身,無咩脂肪,口感清爽,雞係由老闆自家供應,所以質素有保證,雞味有90分,而且辣味魚露醬汁惹味!海南雞飯$45,$5可轉雞脾,都幾抵食。



《燒雞腎》一串6-7塊/$11,大大塊雞腎出奇地彈牙爽脆,而且多汁,燒得好入味,必食



《燒魷魚鬚》$28一碟、《燒牛舌》一串3-4塊/$18,同樣燒得好有心機,值得一試!




想飲《冬陰公》$68/細煲又得!怕辣嘅朋友可以試試泰北家鄉菜《奄雞》又得,得咗!小店用咗香芧、檸檬葉、芫茜鬼、拍次鬧、巴啦(譯音)、炒米碎等冬蔭公主要成份,分階段混炒香再用嚟餚製湯底,最後加入海南文昌雞入面,一大鍋好似溫和版嘅冬蔭公咁好好飲好惹味,辣度同味道調成食唔到辣嘅潮友都啱!




招牌亮點《辣椒膏炒蟹》$288/一份(3-4人份量),本身PND都驚會好辣,點知食落同一般韓式甜辣炸雞辣度差唔多,好易入口,好有大排檔風味,醬汁甜甜地唔係好辣辣,夠惹味香濃,撈飯都好正!



最後PND要埋《芒果糯米飯》$38為呢餐劃上完美句號,甘咸嘅椰漿配埋甜絲絲又軟綿綿嘅糯米飯,拌上甜熟芒果,越食越想食~


泰樂廚 
Mon-Sun 07:00-23:00
@大角咀博文街42號

沒有留言:

張貼留言