2015年4月21日 星期二

混亂拉麵 - 警告:混亂芝士拉麵山!


如果平時嘅拉麵滿足唔到次次都狂加麵底嘅你,應該嚟呢度搵一搵呢座屬於你嘅混亂山喇!



所謂拉麵山,其實係喺東京hit咗廿幾年嘅二郎系拉麵2!因為賣相唔太靚,做唔到主流拉麵就做配角,以麵多配料多如一座山為賣點!


仲越膩越正宗,胃口大嘅潮食友啱哂!所以試過嘅食客評價都女極端,一係鐘意一係唔鐘意!



入到嚟小店,門外有六項警告

1.胃口細
2.不喜歡食豬背脂
3.不喜歡食粗麵
4.不喜歡食芽菜
5.之後準備同客人開會之
6.準備約女朋友
…以上人仕不適宜進入本店,呢啲Tips就反映哂呢度拉麵嘅特點!


6款拉麵價錢分別係$75/$85/$95嘅混亂拉麵、混亂玉子拉麵、混亂芝士拉麵、混亂豚肉拉麵、混亂全部入拉麵同問號(是日精選), 最多嘅份量可以加到三倍,份量係極多,夠膽嘅潮食友絕對可以挑戰混亂! 



湯底係熬製咗10-11個鐘嘅豬骨湯加味噌,麵條仲係由自家日本機新鮮製造,每條5mm粗,每碗拉麵就成180g! 呢個「混亂芝士拉麵」上枱真係會令人嘩一聲,好多芝士粉味道濃郁,撈埋一齊食好特別!拉麵同配料疊到成座山咁,加咗蒜泥、厚切半肥瘦叉燒、炒香嘅芽菜同椰菜等,仲有特別炮製嘅軟稔豬背脂添!半熟雞蛋夠溏心,口感唔錯!

混亂拉麵

  @深水埗欽州街52至54號平安大廈地下

鳴謝PND助手pchu503







沒有留言:

張貼留言