2015年4月5日 星期日

七十一肥仔腸粉 - 企立式美食!滑嘟嘟腸粉!


PND帶你去七十一啦!唔係平時果間七仔喎,係「七十一肥仔腸粉魚蛋」嘅復活版喎!



呢度嘅招牌應該係肥哥哥,因為佢完全唔吝嗇,會加好多醬料,咁先夠好味,如果你遇上黑面女店員,建議潮友叫「多醬」,否則甜醬麻醬唔夠,就會無咁好味!小店只有一位堂食,主要都係揀揀企街食或外賣!


招牌7蚊4條「滑溜腸粉」,望落條條腸粉嘅幼度竟然同深水埗合益泰嘅有幾分相似,地膽潮友就推介PND話,佢地嘅腸粉真係用同《合》同一間供應商架! 

唔使多講,食咗先講!

蒸到熱辣辣嘅腸粉剪成一口一條嘅長度,腸粉皮夠熱幼滑唔厚,有陣陣米香;重點係大量嘅豉油、香口嘅麻醬、甜醬,仲有炒香咗嘅缺芝麻,麻醬已經遇熱變成液態,同埋由於豉油份量較多,會比較稀,唔容易掛上腸粉,呢個時候,就全靠秘密武器:就係有陣陣羶香嘅嘅豬油喇!


識食一定要將腸粉挑開、攤開,將一塊塊腸粉皮點哂碟入面嘅醬汁嚟食,咁就包保可以掛多十倍醬汁啦!



 七十一肥仔腸粉

 #PND元朗 #PND港式 #PND小食 
@元朗又新街40號

沒有留言:

張貼留言