2015年4月20日 星期一

廣東人餐廳火鍋 - 燒肉雞煲一齊食!


有元朗潮友報料,同PND講呢邊都有廣東人,仲話呢度都有自己郁手玩嘅鐵板燒,仲有雞煲,叫我去食埋!

咁就去食吓晚飯啦,呢間多元化火鍋店,有雞煲,有鐵板燒,有煎炸小菜,有電視睇,有一排卡位,一家人嚟嘅話都都坐得幾舒服!





最正係玩法幾多元化,同樣都咁自由,可以叫肉叫魚叫墨魚滑玩鐵板燒,最最最期待嘅雪花肥牛無令我失望,食材有水準,燒烤先好味!



美國肥牛肉 / 特級肥牛粒同樣$108/一碟,輕輕煎一煎,加少少香草就食得,牛肉嫩口多汁,加埋醬汁,好味!




















同埋自製蝦滑,無諗過可以自己燒蝦餅,將一羹份量嘅蝦滑加入鐵板中壓平,煎到金黃色再配泰式辣醬食,彈牙鮮味,非常唔錯,風味濃郁!




又叫咗啲自己包嘅鮮製水餃$48/6隻,皮薄餡鮮,唔會好似出面食嘅咁厚皮,唔錯唔錯!



仲有芝麻醬油燒午餐肉 $35/一碟!




鮮白鱔片 $98/一碟,燒到差唔多熟就加少少蜜汁,食落甜甜脆脆搞到我不斷唔停嘅燒












見到隔離食客叫雞煲同羊腩煲,發現仲可以叫埋川味雞煲$118/半隻!


於是PND就轉埋食雞煲!



雞煲秘製醬汁惹味,唔會太咸,雞肉質地滑嫩,雞背部煲咗成個鐘都一樣咁滑;原來最後食哂啲雞仲可以打邊爐!






廣東人餐廳火鍋 

電話:24889938 
星期一至日 06:00-02:00 

@元朗媽廟路12-24號永發大樓地下H舖 
鳴謝潮友溫馨報料:emily_ching

沒有留言:

張貼留言