2015年4月3日 星期五

隱世社企之芝士手打牛肉漢堡!


手打漢堡,仲要食有質素嘅?無返六七十蚊旁身,通常食完可能都要留喺店度洗碗洗返兩三個鐘!不過行多幾步,呢間小店用三十幾蚊就食到阿根廷嘅免治牛肉打成嘅漢堡喇!





好耐之前,PND嚟過呢度飲茶食潮爆手工點心吉吉點,其實呢頭仲有唔少隱世小店可以一之過食埋架!呢間社企小店由循道衛理開設,旨在為區內嘅年輕人提供就業機會,人流都唔太多,不過坐得舒適,CP值亦高!




潮友表示,自己住咗喺牛頭角幾年,最近先知有呢間唔錯嘅小店!呢度嘅芝士手打漢堡都幾出名,每日都以牛肉加入少量麵包糠、洋蔥碎新鮮打,成個包麵好足料又多菜、蕃茄片同醬汁,質數拍得住外面,當然佢暫時未同到名店比啦!




PND叫咗全日供應嘅J2芝士牛肉漢堡$32配熱飲,無芝士就$28,加$8有薯條,上枱!漢堡個size一啲都唔細,成個包厚10-11cm!(目測定用呎度都係),一啖,係入唔到口嘅,因為手打牛肉已經好厚身,成塊都鬆軟多肉汁,加埋塊半溶芝士同酸酸甜甜嘅醬汁,係值得一試啦! 



約3:16

電話:35802952
星期一至日 07:30-22:30
@觀塘宜安街9-27號有利大廈地下F舖






沒有留言:

張貼留言