2015年4月21日 星期二

順興隆桂記荳品廠 - 用心之作豆腐工埸!


今日突然心痕想食啲小食…經開長沙灣…不如整返碟…豆腐?! 雖然小店有啲少殘舊,前舖後工場每日每食材都係新鮮制造,野食係用心之作!



四件排排坐喺碟嘅煎釀豆腐($9)係用<鎮店之硬豆腐>煎到好澄黃金色,上台夠熱,外層脆口、裡面嫩滑軟綿,仲滲出淡淡豆香添!

魚肉似乎係用新鮮魚肉打成嘅好彈牙、鮮美!

加醬撈嚟食港味最濃同人記有得揮!不過要留意一點既係舖頭較早收,準時7點就收舖。呢個凍豆花($10)質感滑溜,入口一啲黃豆嘅渣都無,震緊騰開心心大大羹畢起都唔易散,水準獨到!加埋例牌黃糖碎,正!

p.s.豆味如果再突出啲就無械可擊!



順興隆桂記荳品廠

 @長沙灣順寧道451號 鳴謝潮友:@hijaix

沒有留言:

張貼留言