2015年4月21日 星期二

韓味屋 - 食原個南瓜炆牛肋骨!


港島有唔少韓式小店都幾有水準!PND最愛呢度又係泡菜任添,醬油薯仔、酸蘿蔔、醃菠菜、泡菜、醃豆芽同醃南瓜.....一次俾齊三碟你!


餐牌有齊三十幾樣常見嘅韓式料理,豬、牛、海鮮、飯、麵、粉絲、辣同辣都有!


最推介嘅係呢度嘅原個南瓜炆牛肋骨!PND因為外賣返朋友屋企食,欖球咁大嘅小南瓜同牛肋骨被分開、裝喺分別係兩個頭咁大嘅外賣盒入面!


牛肋骨啖啖肉,質地相當厚身,而且炆到好腍身好入味!醬汁暗甜香濃、仲有陣陣肉香!薯仔、洋蔥、蘿蔔已經吸收哂醬汁同牛肉嘅精華,根本就係成道菜嘅精髓!送飯一流!


呢度炸雞未算最好味,原味炸雞舖滿香蔥,皮脆肉香,好有咬感,雞件,雞腿,雞翼…齊哂,點香辣汁食飽哂!


韓味屋

 #PND韓國菜 #PND北角 

@北角丹拿道60號地下D及E鋪


沒有留言:

張貼留言