2015年4月16日 星期四

[ 台北 - 松山 ] 可以順便洗衫?洗衣店中歎精品咖啡與甜品!HOCC都去,穿越九千公里交給你!


去幾日旅行買咗新衫,但係又想即洗即著?呢間咖啡x洗衣店可以幫到所有潮友!

你可以帶同你的衣服嚟洗,等洗衫時順道食份甜品、飲飲咖啡,原來都係非一般嘅享受!




九千公里就喺民權東路、敦化北路巷內中間,黃色招牌幾顯眼!


外面望落同普通民居沒兩樣,但其實內裡原來係工業風cafe。



帶有香港痕迹的穿越九千公里,不禁讓 PND心裡熱一熱呢!


他們的故事就是咖啡、Boxing 、甜點跟展覽啦,都體貼地刻在黃色大門上了!

呢度鋼門令PND印象好深刻,一推而入,好重,但好似貫嘅貨櫃門,一個字:型。




自助洗衣原來只要100元就可以享用 {洗+烘} 服務,想喺呢度飲返杯咖啡,定係行開一陣返嚟攞都我,完成後,店員會以SMS或LINE通知潮友,真係非常貼心!(喺香港應該唔係好行得通吧~)


Menu 係自家手工製,好窩心的說!


點解呢度會叫做「穿越九千公里交給你」?原來係因為老闆從九千公里以外(法國)學整甜品,並將甜品帶返嚟發揚光大!其二,據說老闆係王家衛的粉絲,於是便藉店名來向王家衛嘅微電影《穿越九千公里獻給你》致敬,老闆實在係我地一眾文青之偶像!



室內每一件擺設都係自家搜羅,而且風格全部截然不同,但放埋一齊卻又出奇地夾調,集時尚、文藝於一身,神秘同舒適感並存!



唔想飲咖啡,都可以啤一啤呀!呢度連貓頭鷹啤酒都有!


一開制,廁所嘅 Disco 燈,令PND忍唔住喺裡面自High了20秒,實在太有心思喇!連客人去廁所嘅時間同心情都要俘虜埋,真係好衰架 : S



GOLDEN,嗯,男的,店長(?!),邊境牧羊犬,非常熱情,愛好同客人玩。
炯炯有神的雙眼,好似講緊呢度嘅故事俾大家知道咁!





店員介紹呢度係用沛洛瑟咖啡,自家烘焙煮豆,飲手沖咖啡,當然唔少得Kalita手沖壺,未飲已經感受到佢地嘅專業!





就算係一星期份量嘅衫,洗、烘、摺,佢地全部都會幫客人搞掂哂!








星期二有限定「法國千層派」,可惜PND係星期四來的!

不過呢度每一樣甜品都係誠意之作,其實隨意點也沒關係的,因為都很好吃!








於是我就要了自家製草莓派!草莓派夾著卡士達奶油,還加了提子乾、香草等豐富味道,鬆脆撻皮伴著軟滑忌廉,非常美味!




老闆應該是平時成日摸索點樣沖好一杯咖啡的吧!

呢份心意,我在這Mocha飲到了!

難怪當時開店只短短三個月就紅了,就好似香港嘅 N1、Barista、Toolss等等...







GOLDEN剛巧病了,要快點康復呀!



飲完咖啡,更可以隨處參觀,就好似一間細細嘅Gallery!



前門嘅室外位置更吊住Everlast拳擊沙包,如果你有壓力、定係我有壓力,都可以喺度「大展拳腳」盡情發洩吓!



附近仲有cafe GABEE,潮友可以嚟一次台灣cafe一日遊呀!







地址:北市民權東路三段160巷19弄16號 

點去:捷運 [ 中山國中站 ] 落車,行大約500-600米就到喇!


電話:0972299822 / 0980191138 (去前可以先打電話去確認一下有無開呀~)

營業時間:12:00-00:00 [ 星期一休息 ]


沒有留言:

張貼留言