2015年4月9日 星期四

柴灣烤Juicy爆汁巨菇新星!



港島潮友同PND報料話有新發現,出發!話說今次嘅情報係嚟自全港最東面嘅柴灣,嚟到呢間小店(以前在小西灣出沒注意,而且終於入舖),見到佢地嘅烤爐同手掌咁大嘅巨菇,就知道呢度一定係食啲多汁嘅燒烤菇啦!






以後港島潮友可以唔使次次都山長水遠搭車先止到想食巨型燒菇嘅心癮喇!



呢啲5-6吋起、唔同size嘅溫室大磨菇,招牌燒菇$30起,全部邊搽醬汁後邊燒,等咗一陣終於有得食!巨菇頭頂有塊大大半溶芝士,店員係先將自家醬料煮完、炒香,再將醬汁加入大菇上面,最後,放上芝士再烤!

所以無論聞落定入口,都非常惹味!巨型蘑菇好香好多汁,用料新鮮!

潮友 @artxd 喺 PND 一介紹完就即刻去捧埸!

P.S.由於個Juicy菇係用碟裝、然後放入白膠袋,爆汁喺衫上同漏汁機會較高,食菇時要小心啲喔!(如果可以改良一下食具同包裝、提升便攜度就更好喇!)



呢間小店今日開始有埋燒雞軟骨食,而且,呢條街夜晚仲有串燒食添!


 How cool 烤菇 



@柴灣道350號樂軒臺(柴灣公園出口,柴灣市政大廈附近、柴灣圖書館果條街)

 鳴謝潮友:@openopw 溫馨報料



沒有留言:

張貼留言