2015年5月2日 星期六

名樂漁莊 - 半透明彈彈波180度觀星之夜 !


喺考試前,PND都係抵受唔住誘惑,同幾個朋友嚟咗次「透明露營」!






其實本身PND早已經係各大報章見過佢地嘅介紹,耐何一般傳媒又真係好少360度全面介紹營地裡面有咩無咩、設施設備如何、整潔度等等...

難得今次同朋友夾到時間嚟玩,當然係帶住勁興奮嘅心情同潮友介紹哂所有野啦!



名樂漁莊位於天水圍市中心隔離,由天華路徙行入去大約10-15分鐘,其實都好近,不過如果幾個朋友,又拎住咁多食物、衣物,就唔好慳果十幾蚊的士錢直接入去喇!


呢度主要分為兩面:住宿區同玩樂區(類似Common area)。

幾個營區,唔止有PND住嘅波子營,其實仲有其他野玩,好似各式各樣嘅營車、歐式獨立屋、主題吹氣營、帳幕營等...



歐式獨立屋可以住1-2個家庭,裡面設備亦較齊全。





營車設計新穎,同塘福相比,入住環境相對地更好。








呢度嘅透明波波,係由法國設計師design嘅泡泡酒店嚟!


成個巨波靠充氣支撐,PND同朋友成個下午同夜晚食完飯就攤哂喺波波裡面嘅充氣床同充氣梳化上玩card game同狂自拍,日落影到夜晚,玩到勁開心,張床都幾淋,好易瞓著!


唯一缺點,就係食野、燒野食就要稍移玉步去隔離嘅bbq區開飯!


園區內每個營都可以上鎖,既安全又方便!

由於波波酒店係場地以冷氣風機不間斷咁打氣泵氣以支撐波波不倒塌....


潮友進入波波時必需通過「兩重關卡」,先拉開第一度門,關上第一度門,然後確保無漏氣,先拉開第二度門,入到波波後再關上第二度門!十足十太空艙咁,入面恆常保持乾爽,PND較咗17度,又真係幾舒服,夜晚瞓覺時亦唔會覺得好嘈~


床頭嘅另一面,會有個神秘空間!


入去後,發現原來佢係一個獨立更衣室,裡面仲紅色地氈同埋有個白色拉鏈衣櫃~



白色拉鏈衣櫃裡面會有幾個衣架、電熱水煲、水杯、拖鞋、枕頭、毛巾等,都幾齊!


仲有Extra冷氣被,幾貼心,而且放得好整齊,果然同普通酒店差唔多,感覺整潔,值得信賴!



床頭嘅七彩變色燈,可以用搖控自由控制轉色,夜晚時,可以為潮友帶嚟唔同嘅氣氛!





支撐波波酒店嘅冷氣機,呢兩日一夜,辛苦你喇!



花園範圍入面會有充氣椅,想Tanning,唔使一定去沙灘嘅!

不過,成個波都透明,潮友一定會好似PND咁唔敢住?

原來波波返有唔同嘅私密度,包括︰全透明 / 白色離地起計1米 / 1.4米 / 1.8米!


最高私人度嘅泡泡酒店其實仍然望到野外同天空,瞓住嚟睇月亮星星,都幾正!



潮友最關心的畫面出現了!係喇!就係廁所,同埋浴室!



由於係由酒店集團管理,場地嘅廁所、浴室嘅設備都好乾淨、設備齊全。

以貨櫃改裝成的廁所同浴室,女廁跟女浴室在右面,男廁跟男浴室在左面,總之就是男左女右,是獨立的,洗手的地方則在貨櫃的外面,石盤好有質感,好像完完全全去了戶外一樣~ 



嚟喇!廁所、浴室大揭秘!



廁所的地磚、設計,是意想不到的優質,比起不少商場的廁所還要衛生~



再行入兩格,就會係浴室,最基本嘅沐浴用品已有,就係洗頭水同梘液,感覺不錯,幾香!

不過要求高少少嘅潮友,或者要用謢髮素嘅你,就記得要自備喇!


沖涼花曬用埋透明把手木炭過漏器,連沖涼都咁organic~!






住宿園區內鋪設人工假草,行落去軟棉棉,而且比起泥地乾淨得多。



如果潮友唔想喺園區另一面食飯,亦可以選擇嚟呢面開餐!








園內提供嘅 BBQ食物都係散件買,主要係提供俾唔係好想拎好多野嘅潮友或者係買唔夠食物嘅潮友,部份價錢正常,部份價錢較貴,如果食個人套餐,份量就唔算好多,PND都係建議大家自備食物入嚟啦!


額外俾錢,大約$500/一小時(最少租用兩小時),就可以喺租用透明波波食晚飯(食物自備或代訂)喇!




園內也兼賣佢地嘅自家出品有機食物,好似蔬菜咁,想買返屋企做手信都可以諗諗!



想影星星、夜景嘅潮友,記得帶定腳架喇!




名樂漁莊 Mingle Farm 


@天水圍天慈路馮家圍30號 
費用:$1200起/泡泡營 
入住時間:18:00-21:00 
退房時間:09:00-15:00 

備註:可容納2-3人,達最多人數則包含睡袋 
查詢電話:35680824 
Whatsapp:54039901 

預訂:參考 @holimood 
(一次過可以睇哂營車、營同渡假屋,同訂埋) 

點去:搭巴士入天水圍,喺美湖居站落車,由天華路步行10-15分鐘即到。 
車程:由天水圍市區約3-5分鐘 
的士收費:~$20

 #PNDOuting #PND天水圍















沒有留言:

張貼留言