2015年5月1日 星期五

首爾仁川 – 月尾島之快活悠閒一天遊


仁川?有咩好玩呀﹗唔係得機場咋咩?如果潮友你係咁諗,咁就錯了﹗仁川仲有一個好細既島叫「月尾島」,有啲淡水老街feel,又有啲似荔園,總之就係一個可以令你遠離煩囂都市嘅好地方﹗P.S. 仲係好多綜藝節見嘅拍攝場景添 (如:Running Man, 超人回來了, 兩天一夜, 我們結婚了‥‥‥)







去月尾島嘅車程大概90分鐘左右,雖然有啲遠,但係都值得一去嘅﹗一落巴士就係文化街,有啲似台北嘅淡水,左手邊係一排串燒店同海鮮店,右手邊就係一望無際嘅大海﹗因為好近海嘅關係,呢到嘅海鮮全部即日打撈,保證新鮮,潮友們可以選擇喺開始旅程前喺周圍嘅食肆食返個海鮮大餐,食飽飽再上路﹗



行過左文化街,黎到呢個迷你樂園﹗望落去雖然有啲殘舊,但係正正係咁,反而有啲似以前嘅荔園,突然覺得好有親切感﹗唔好睇佢地方細細,其實有好多種機動遊戲可以玩,碰碰車﹑海盜船﹑摩天輪﹑仲有PND最期待最想玩嘅Disco PangPang﹗喺綜藝節目睇人玩就睇得多,無理由黎到唔玩返轉﹗PND玩後感係:一個極攰極危險極有人情味 (?) 嘅機動遊戲﹗攰在要捉到欄杆好實,玩完手臂內側瘀晒;危險在無安全帶,好容易飛出街;有人情味在哥哥仔見你飛左出位/拋到跌左個電話,會停一停部機俾你重新準備先再「折磨」你‥‥





玩完一輪機動遊戲,仲有時間,可以上埋展望台睇日落﹗呢到無高樓大廈,無空氣/光污染,可以好清楚咁望晒成個月尾島同埋個咸蛋黃,仲有陣陣海風吹埋黎,真係舒服到唔想走﹗




點去:去到仁川地鐵站轉2/23號巴士,月尾島站落



沒有留言:

張貼留言