2015年5月1日 星期五

Honey Tong Tong - 蜜糖牛油脆片



今晚要溫書,識溫嘅,左手右手一定要有返三五七包零食以備不時之需!無論你有無留意開韓國潮流,潮友都可能會聽過韓國最hit最潮嘅零食:蜂蜜牛油薯片!

薯片一上架即刻9秒9被極速清架,供應商仲玩埋捆綁式銷售,啲人仍然買一箱一pack咁買....就算大家買到都唔捨得食,仲轉送俾偶像添,熱爆程度達1000%! 神級蜂蜜牛油薯片,PND搶購失敗!不過就好好彩買到今年1月5號新推出嘅Honey Tong Tong!




佢同蜂蜜牛油薯片並唔係同一品牌,但係包裝就有9成相似,網絡瘋傳,脆片嘅味道比薯片更香濃(因為牛油濃)! 

試試佢先!拎起包脆片,有重量,一開,果然成陣蜜糖味湧出嚟,好多塊Tong Tong喺裡面,有七八成full!


食落去,除咗香甜,仲有陣濃郁嘅牛油味滲出;口感?脆,仲有脆,口感同外形都有少少似牛仔片!如果大家都仲係買唔到傳說中既蜂蜜牛油薯片嘅話,不妨買住呢包Tong Tong過下口癮先啦,洗完手,手指都仲有牛油餘香! 




購自明洞樂天百貨既地庫超市,價格浮動,公價係1500,最近喺樂天買大約2500 (每人限購兩包) **未必每分每刻有貨,睇下潮友你好唔好彩*
鳴謝PND韓國助手 @cocoyuen0220



沒有留言:

張貼留言